PHUNGTHLÛKBIA 24:10 - Lai (Hakha) Common Language Bible 2006

¹⁰ Harnak caan i na der a si ahcun na der taktak a si.

Laibaibal Thiang (BSI)

¹⁰ Vansan ni ah na buhri ahcun, na thazâng a tlawmtuk tinâk a si.

PHUNGTHLÛKBIA 24:10 ပူးပေါင်းရင်းမြစ်များ

JOB 4:5

Sihmanhsehlaw atu cu nangmah cungah harnak tlun caan a phan i na thin a tawi, Nangmah cu an tawngh i na lung a dong.

JEREMIAH 51:46

Ram chung i thawngpang nan theihmi kong ah nan lung dong hlah u law nan thin zong phang hlah u, Zeicahtiah kum khat ah thawngpang pakhat a um, cun a kum nolh ah thawngpang dang a um ṭhan, Ram chungah hnahnawhnak a um i uktu pakhat nih uktu dang pakhat kha a doh, tiin a um tawn.

JOHAN 4:8

A zultu hna cu rawl cawk awkah khua chungah khan an kal.

2 KORIN 4:1

Pathian nih a kan zaangfah caah cu rian cu a kan ṭuanter i kan hnabei a dong bal lo.

EFESA 3:13

Cucaah nan ca i harnak ka in caah hin nan lung dong hlah u, nanmah ca ṭhatnak lawngte ah a si ko.

DEUTERONOMI 20:8

Cun cu hleiah bawi hna nih cun mizapi sinah cun, ‘Thinphang le lungder nan um maw? Cu pa cu a inn ah kir ṭhan seh, a hawile lung zong kha amah lung bantukin a zor sual lai,’ tiah an chim lai.

BIAPHUAN 2:13

Na umnak hmun kha ka hngalh; Satan nih a bawiṭhutdan a chiahnak hmun a si kha ka hngalh. Ka cungah zumhawktlak in na um i keimah ca i zumhawktlak a simi tehte Antipas kha Satan umnak hmun i an thah ah khan, na zumhnak cu na ṭhial tak hlei lo.

BIAPHUAN 2:3

Na lung a sau, keimah ruangah harnak na in i na lung a dong lo.

1 SAMUEL 27:1

Cun David nih a lung chungin, “Ni khatkhat cu Saul kut hin ka thi te lai; Filistin mi hna ram i ka va zam nakin a ṭha deuhmi thil ka caah a um ti lo; khi tikah Saul cu Israel ram chung i keimah kawl kha a lung a dong lai i a kut chungin ka luat lai,” tiah a ti.