PHUNGTHLÛKBIA 22:4 - Lai (Hakha) Common Language Bible 2006

⁴ Bawipa kha ṭih, mi toiah i dor law rumnak le upatnak le nunsaunak kha na hmuh lai.

Laibaibal Thiang (BSI)

⁴ Toidornâk le BAWIPA ṭihzahnâk nih rumnâk le upatnâk le nunnâk a chuahpi tawn.

PHUNGTHLÛKBIA 22:4 ပူးပေါင်းရင်းမြစ်များ

PHUNGTHLÛKBIA 19:23

Bawipa ṭihnak hi nunnak a si, cuti in na um ahcun, hnangam tein na um lai i harnak nih an tawng lai lo.

PHUNGTHLÛKBIA 21:20

Mifim umnak ah cun ro le rah kha a tang, sihmanhsehlaw mihrut nih cun nih cun a sawksam dih.

PHUNGTHLÛKBIA 21:21

Dinnak le zaangfahnak zulh aa zuammi nih cun Nunnak le upatnak a hmuh lai.

PHUNGTHLÛKBIA 22:3

Mifim nih cun harnak a rat kha a hmuh tikah hrial khawhnak aa zuam, sihmanhsehlaw mihrut nih cun a pahchih thluahmah ko i a hnuah aa ngaichih.

PHUNGTHLÛKBIA 22:5

Miṭhalo mi hna lam ah cun hling le rap an um; aa ralringmi nih cun a hrial in a hrial hna.

PHUNGTHLÛKBIA 29:23

Mi cu aa porhlawtnak nih tangah a ṭhumh lai, sihmanhsehlaw toi dornak lungthin a ngeimi cu upatnak a hmu lai.

PHUNGTHLÛKBIA 3:16

Nun saunak cu a orhlei kut chungah a um i a kehlei kut ah rumnak le upatnak an um.

PHUNGTHLÛKBIA 31:30

Iang hi hlen a hmang, dawh hi a ziam kho, Sihmanhsehlaw Bawipa a ṭihmi nu cu thangṭhat awk a si.

ISAIAH 33:6

hi miphun cu a fehter lai. A mi kha a huhphenh zungzal hna i fimnak le hngalhnak kha a pek hna. Annih chawva a sung bik cu Bawipa an ṭihnak kha a si.

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

DANIEL 4:36

Ka lungthin kel i ka hung kir ṭhan tikah khan ka bawinak le ka sunparnak le ka pennak lianhngannak kha pek ṭhan ka hung si. Ka tlangpi hna le ka bawi hna nih khan ka bia kha an duh. Ka pennak kha fehter a si i ka ṭhawnnak cu tam piin a karh.

MATTHAI 6:33

Cucaah zei dang vialte nakin Pathian Pennak le zeidah tuah hna seh ti a kan duh timi kha biapi deuh in ruat u law thil dang vialte hna zong hi an pek ṭhiamṭhiam ko hna lai.

1TIMOTE 4:8

Pum in thiam lakin cawnmi kha santlaihnak a ngei, asinain cu bantuk santlaihnak cu donghnak a ngei; sihmanhsehlaw biaknak ṭhathnemnak cu donghnak a ngei lo, zeicahtiah cu biaknak chungah cun Pathian nih atu kan nunnak ca he hmailei kan nunnak ca he bia a kan kamh.

JEIM 4:10

Bawipa hmaiah toidor tein um u law amah nih an hlorh hna lai.

JEIM 4:6

Sihmanhsehlaw Pathian pekmi vel cu cu nak hmanh cun a ṭhawng deuh chinchin. Cathiang nih a ti bangin, “Pathian nih aa porhlawmi cu a doh hna i mi toi i aa dormi kha vel a ngeih hna.”