PHUNGTHLÛKBIA 21:3 - Lai (Hakha) Common Language Bible 2006

³ Dinnak le biading tuah kha, raithawinak nakin Bawipa nih a cohlan deuhmi a si.

Laibaibal Thiang (BSI)

³ Dinnâk le diknâk tuah hi, raithawinâk nâk in BAWIPA caah cohlan deuhmi a si.

PHUNGTHLÛKBIA 21:3 ပူးပေါင်းရင်းမြစ်များ

SALM 40:7

cucaah cun, “Hika ah hin ka um ko; keimah cawnpiaknak ding caah na chiahmi cu Nawlbia cauk chungah an um ko.

SALM 50:8

Nan ka pek zungzalmi raithawinak le khanghthawinak ruangah kan sik hna a si lo.

PHUNGTHLÛKBIA 15:8

Miṭhalo hna raithawinak cu Bawipa caah fihnung a si, sihmanhsehlaw miṭha hna thlacamnak cu a lawmhmi a si.

HOSEA 6:6

Ka duh bikmi cu fek tein nan ka dawt hi pei a si cu, nan raithawinak hi a si ṭung lo, Ka mi nih nan ka hngalh hi pei a si cu, khanghthawinak nan ka pekchanh hi a si ṭung lo.

ZEKHARIAH 7:9

Ralkapbu Bawipa bia cu hihi a si: Dinnak taktak kha biaceihnak ah hmang u, pakhat le pakhat zumhawktlak tein um u law i zaangfah u,

MARKA 12:33

Cucaah mi nih hin Pathian cu kan lungthin dihlak le kan ruahnak dihlak le kan thazang dihlak in kan dawt awk a si i kan innpa cu kanmah bantukin kan dawt awk hna a si. Hi nawlbia pahnih zulh hi Pathian sin i khangh raithawinak le raithawinak dangdang zong pekchanhnak nakin a ṭha deuh,” tiah a ti.

1 SAMUEL 15:22

Cun Samuel nih a thawh i, “Bawipa nih hin Bawipa aw zulhnak i lawmhnak ngan a ngeih tluk hin maw, Khangh thawinak le raithawinak ah hin lawmhnak a ngeih ve? Zohhmanh, nawlngaihnak hi raithawinak nakin a ṭha deuh i Amah bia ngaih hi tuukawng hna thau nakin a ṭha deuh.