PHUNGTHLÛKBIA 21:10 - Lai (Hakha) Common Language Bible 2006

¹⁰ Miṭhalo nih cun ṭhat lonak kha a duh zungzal ko, A innpa cungah zaangfahnak a ngei lo.

Laibaibal Thiang (BSI)

¹⁰ Misuaksual nunnâk nih thilṭha lo a duh, a innpa hna nih a mit au ah duhpiaknâk an hmu lo.

PHUNGTHLÛKBIA 21:10 ပူးပေါင်းရင်းမြစ်များ

SALM 112:5

Mi chaw a cawih hna tikah siang ngaiin a cawih i a rian a ṭuannak ah lihchim lo tein a ummi cu milunglawm an si.

SALM 112:9

A herh a baumi kha siang ngaiin a pek hna, mi cung i zaangfahnak a ngeihmi cu zungzal in a hmun; amah cu a ṭhawng lai i hmaizah a si ko lai.

SALM 36:4

Ihkhun cung i a zau lio hmanh ah thil ṭha lo lawng kha a tuak, a tuahmi kha thil ṭha a um lo i thil ṭha lo kha a hua hna lo.

PHUNGTHLÛKBIA 12:12

Miṭhalo hna ralhau cu tlak bantukin a cim, sihmanhsehlaw miding hna hram cu fek tein a dir.

PHUNGTHLÛKBIA 14:21

Lunglawmmi si na duh ahcun misifak kha va zaangfah hna, mi zeihmanh zeirello i um kha sualnak a si.

PHUNGTHLÛKBIA 2:14

Ṭhat lonak tuah ah aa lawm i hlenthawinak ah cun aa nuammi an si;

PHUNGTHLÛKBIA 21:13

Misifak hna an au tikah a hna aa chehmi cu, amah a au ve tikah ahohmanh nih an theihpiak ve lai lo.

PHUNGTHLÛKBIA 21:9

Mi phunzai nupi he innpi i hrawm nakcun, inncung a ken ken khatte i um a ṭha deuh.

PHUNGTHLÛKBIA 3:29

Nangmah kha bochan in na pawngah khua a sa khirkhiarmi na innpa caah ṭhat lonak khua va khang hlah.

1 KORIN 10:6

Hi hna vialte hi kan i zohchunh awk caah an si, thil ṭhalo an rak duh bantukin duh ve lo awkah ralrin a kan petu le

JEIM 2:13

Zeicahtiah zaangfahnak a ngei lomi cu Pathian nih a bia a ceih tikah a zaangfah ve lai lo; zeicahtiah zaangfahnak cu biaceihnak nih a tei.

1JOHAN 2:16

Vawlei ta a simi thil paohpaoh — pumsa duhnak tehna, mi nih zoh an duhmi thil hna, mi nih porhlawtnak ah an hmanmi thil tehna hi Pa sinin a rami an si lo; vawlei in a rami lawngte an si dih.