PHUNGTHLÛKBIA 21:1 - Lai (Hakha) Common Language Bible 2006

¹ Siangpahrang lungthin cu Bawipa kut chungah a ummi a si, tilaknak tilam bantukin a duhnak lei paoh ah a mermi a si.

Laibaibal Thiang (BSI)

¹ Siangpahrang lungthin cu BAWIPA kut ah a um, tiva i ti a luangmi bantukin a duhnâk lei pauh ah a luanter tawn.

PHUNGTHLÛKBIA 21:1 ပူးပေါင်းရင်းမြစ်များ

2 SIANGPAHRANG 19:33

A ratnak lam te khan a kir ṭhan lai i hi khua chungah a lut lai lo.

EZRA 1:1

Persia siangpahrang Sairas a bawi kum khatnak ah, Jeremiah kaa in Bawipa nih a chimmi bia kha a tlin nakhnga, Persia siangpahrang Sairas lungthin cu Bawipa nih a thawhter i cucaah a ram dihlak ah khan thawngthanhnak a tuah i ca zongin a ṭial:

EZRA 1:2

“Hi bangin Persia siangpahrang Sairas nih a ti: Bawipa, vancung Pathian nih vawleicung ram vialte hi a ka pek dih cang i Judah ram i a ummi Jerusalem khua ah amah caah inn sak awk a ka fial.

EZRA 6:22

Cun thilnu telh lo changreu puai kha ni sarih lunglawmhnak in an tuah; zeicahtiah Pathian nih an lung a lawmhter hna i Assiria siangpahrang lung cu anmah leiah khan a merter, cucaah anih nih khan Pathian, Israel mi hna Pathian inn rian ah khan, a bawmh hna.

NEHEMIAH 1:11

Maw Bawipa na sal ka thlacamnak hi ka ngaihpiak ko sawh; cun na sal hi nihin ah ka hlawh ka tlinter ko law hi mipa hmaiah hin zaangfahnak ka pe ko,” tiah ka ti. Cu lioah cun kei cu siangpahrang hrai putu ka rak si.

NEHEMIAH 2:4

Cun siangpahrang nih cun a ka thawh i, “Zeidah na ka hal duhmi a si?” tiah a ti. Cucaah vancung Pathian sinah khan thla ka cam.

NEHEMIAH 2:8

cun biakinn kulhnak kutka ca kaan le khua kulhnak vampang caah le keimah umnak ding inn caah thing a ka pek nakhnga, siangpahrang tupi uktu Asaf cu va pek awkah ca pakhat in ka pe fawn,” tiah ka ti. Cun ka Pathian velngeihnak cu ka sinah a um caah ka halmi cu siangpahrang nih a ka pek.

ESTHER 2:17

siangpahrang nih cun Esther cu nu dang vialte nakkhan a duh deuh i ngaknu dang vialte nakkhan velngeihnak le mithmai ṭha a hmu deuh; cucaah a lu ah siangpahrang luchin kha a chinh i Vashti hmun ah khan siangpahrangnu ah a ser.

SALM 105:25

Izipt mi cu a mi kha a huatter hna i a sal hna cungah khan hlennak in rian a ṭuanter hna.

SALM 106:46

Thong i a thlatu hna kha an cungah zaangfahnak a ngeihter hna.

SALM 114:3

Rili Sen nih a rak zoh hna i an zamtak hna, Jordan Tiva cu luang loin a rak um.

SALM 114:5

Rili, zei nih dah an zamter? Jordan Tiva, zeicahdah luang loin na um?

SALM 74:15

Cerhti le tiput cu na luanter hna i tiva ngan cu na carter hna.

SALM 93:4

Bawipa cu vancung ah khin uktu ngan bik a si, rilipi aw thawng nakin a ngan deuh rili tilet nakin a ṭhawng deuh.

EXODUS 7:3

Sihmanhsehlaw Faro cu a lung ka ṭhawnter lai i Izipt ram chungah hin khuaruahharmi thil tampi ka tuah lai nain

PHUNGTHLÛKBIA 16:1

Minung nih khua cu an khan ko lai, sihmanhsehlaw a donghnak bia a ngeitu cu Pathian a si.

PHUNGTHLÛKBIA 16:9

Minung nih hin a khualtlawnnak ding khua kha a khan, sihmanhsehlaw a kephau a hruaitu cu Bawipa a si.

PHUNGTHLÛKBIA 20:24

Minung lam a kan hruaitu cu Bawipa a si, zeitindah mi nih a lam cu a hngalh khawh lai?

ISAIAH 43:19

Thil thar ka tuah ding tu kha i ngiat u. Cucu atu ah hin a um lio cang, a hmuh hmanh nan hmuh khawh ko lai. Ramcar chungin lam pakhat ka kalter lai i cuka ah cun tiva luang kan pek hna lai.

ISAIAH 44:27

Rili cu ka nawl in ka carter.

JEREMIAH 39:12

“Amah cu va la law ṭha tein zohkhenh tuah, a cungah harnak zeihmanh tuah hlah, amah nih aa chimhning paoh in a cungah va tuah ko,” tiah a ti.

DANIEL 4:35

Vawlei cung i a ummi vialte hna cu zeihmanh ah rel awk tlak an si lo i Van ralkapbu hna cu a duhduh in a tuah hna; Amah cu ahohmanh nih an tlai kho lo i a tuahmi kha zeidah a si tiah ahohmanh nih an hal kho lo.

LAMKALTU 7:10

harnak a inmi dihlak chungin him tein a chuahter. Josef cu Izipt siangpahrang Faro hmaiah a chuah tikah khan nuncan dawh le fimnak kha a pek. Faro nih cun Josef cu ram uktu bawi le siangpahrang innchungkhar uktu bawi ah a ser.

BIAPHUAN 16:12

Cun vancungmi paruknak nih a kanto cu Zufrates tivapi cungah a bungh. Tiva cu a kao i nichuahlei in a rami siangpahrang hna caah khan lam a rak awnter.

BIAPHUAN 16:4

Cun vancungmi pathumnak nih a kanto cu tiva le tiput cungah khan a bungh i thisen ah an cang dih.