PHUNGTHLÛKBIA 20:6 - Lai (Hakha) Common Language Bible 2006

⁶ Mi kip nih zumh awk tlak ka si an ti cio, sihmanhsehlaw hei hneksak tuah hna law, aho fang khi dik zumh awk tlak taktak cu an hei si!

Laibaibal Thiang (BSI)

⁶ Mitam bik nih anmah ṭhatnâk lawng an chim tawn, asinain ahonihdah zumh awk tlâk an hmuh khawh lai?

PHUNGTHLÛKBIA 20:6 ပူးပေါင်းရင်းမြစ်များ

SALM 12:1

Ka khamh tuah, maw Bawipa! Miṭha an um ti lo i lihchim lomi an um ti lo.

SALM 12:2

Pakhat le pakhat an i hleng i hlepar faknak hmur le lung hnih ngei in bia an chim.

PHUNGTHLÛKBIA 20:5

Minung nih a lung chung i a ngeihmi ruahnak cu a thukmi tikhor ti bantuk a si, sihmanhsehlaw thuk piin a hmu khomi nih cun a than khawh lai.

PHUNGTHLÛKBIA 25:14

Laksawng kan pek lai a ti lengmang i a pe taktak ṭung lomi cu Ruahti pawi lo khuadawm le thli bantuk a si.

PHUNGTHLÛKBIA 27:2

Nangmah kaa nih si loin midang tu nih in thangṭhat deuh hna seh, nangmah hmur nih si loin khual tu nih in thangṭhat deuh hna seh.

PHUNGCHIMTU 7:28

A dang lehnak zong kha ka kawl, sihmanhsehlaw ka hmu hna lo. Pa thong khat chungah hin a fimmi pakhat cu a um ko lai, sihmanhsehlaw nu fim ti hi cu a um bal lomi thil a si.

JEREMIAH 5:1

Jerusalem khua chung lam a kenkip ah khan vaa chawk u law va zoh u law vaa chingchiah tuah u, Khi khua cu ka ngaihthiam khawh nakhnga Biading a kawl i biatak a tuahmi mi pakhat tal, A khua chung i hmun kau pipi ah khan va kawl tuah hna u law nan hmu kho hna hnga maw?

MIKAH 7:1

Aize! Theikung cungah thei zeihmanh a hmu ti lomi le Mitsur ruang ah a thei zeihmanh a hmu ti lomi rawlṭammi bantuk ka si ai cang. Mitsur thei vialte le theipi a thaw ngaingaimi cu an lawh dih ai cang hna.

MIKAH 7:2

Ram chungah lihchim lomi miding pakhat hmanh an tang ti lo, Pathian sin i zumhawktlak in a ummi pakhat hmanh an um ti lo. An dihlak in an thi dih ai. Zeitik ah dah lainawnnak caan ṭha ka hmuh lai ti lawng kha an bawh cio ko, Sakaptupa nih a rap chungah foih awkah sa a hot hna bantukin, u le nau kha pakhat le pakhat i foih awkah an i hot.

MATTHAI 6:2

“Cucaah mi kha thil an herhmi nan pek hna tikah, mi depde pawl nih pumhnak inn le zatlang lam ah an tuah bantukin nan tuahmi cu vaa uangthlar hlah u. Annih nih cun, mi nih kan thangṭhat hna seh, tiin an tuah. Hihi philh hlah u! An tuah man cu tling tein pei an hmuh cang cu!

LUKA 18:11

Farasi pa cu a dir i hi bantukin thla a cam: ‘Maw Pathian, kei cu midang bantukin hak a kaumi, lih a chimmi, nu le pa sualnak a tuahmi, ka si lo caah nangmah cu kan lawmh; cun khi ngunkhuai khawltupa bantuk zong khi ka si lo caah kan lawmh fawn.

LUKA 18:28

Cun Peter nih aa thawh i, “Zohhmanh, kannih cu nangmah zulh awkah kan inn kha kan chuahtak ko hna,” tiah a ti.

LUKA 18:8

Hihi kan chimh hna: anmah cu thiam a coh hna lai i cucu khulrang tein a tuah lai. Sihmanhsehlaw Mi Fapa nih a rat tikah vawlei ah hin zumhnak a hmu te hnga maw?” tiah a ti.

LUKA 22:33

Peter nih a leh i, “Bawipa, nangmah he thongtlak le thih kha ka ngamh ko,” tiah a ti.

JOHAN 1:47

Jesuh nih cun Nathanael cu amah lei i a rat kha a rak hmuh i, “Israel mi taktak a simi khi zoh hmanh u; amah khi hlenthawinak lungthin zeihmanh a ngei lomi a si,” tiah a ti.

2 KORIN 12:11

Mihrut rianṭuan in rian ka ṭuan ai — nanmah nih cun pei nan ka hruhter ai cu. Nanmah hi a ka thangṭhattu ding nan si nain a ka hruhtertu nan si. Zeihmanh ka si lo nain “lamkaltu” ṭha khun, nan timi hna kha ka tluk lonak hna zeihmanh a um lo.