PHUNGTHLÛKBIA 20:1 - Lai (Hakha) Common Language Bible 2006

¹ Zu hi nihsawhnak mi a phorhtu a si, Ritnak zu hi i siknak a si; zu rit cu hruh a si.

Laibaibal Thiang (BSI)

¹ Misur hang hi mi nisawhnâk a si i zureu hi buaibainâk a si; cu thil nih a hnuhmi mifim an si bal lo.

PHUNGTHLÛKBIA 20:1 ပူးပေါင်းရင်းမြစ်များ

2 SAMUEL 11:13

Cun David nih a sawm i a hmaika ah cun a ei a ding, cucaah a ritter; cun a zanlei ah a bawipa sinum hna sin i va ih awkah a chuak, sihmanhsehlaw a inn ah a vung kal lo.

2 SAMUEL 13:28

Cun Absalom nih khan a sinum hna cu nawl a pek hna i, “Amnon kha zu nih a lung a lawmhter tikah, i chingchiah u law, ‘Amnon kha tu u,’ kan ti hna tikah that u. Ṭih hlah u, keimah nih nawl kan pek hna a si lo mei? Nan ral ṭha u law nan lung ṭhawng ko u,” tiah a ti.

PHUNGTHLÛKBIA 23:20

Zuri hna he i kom hlah, sarammi hna he zong i kom hlah;

PHUNGTHLÛKBIA 31:4

Maw Lemuel, siangpahrang nih cun zu din awk a si lo, uktu bawi hna caah cun zureu hi din awk a si lo;

ISAIAH 28:7

Profet hna le tlangbawi hna hmanh kha zu an ri tuk i an sawn lengmang. Zu le zureu tam tuk an din caah lungmit in an ril lengmang i khoika zawn ah kan kal ti hmanh kha an hngal lo. Cucaah profet nih Pathian sinin langhnak an hmuhmi ah an palh i tlangbawi nih bia an ceihnak ah an palh.

ISAIAH 5:11

Nan lo cang! Zu din ah zingkate in nan tho i zan ah tlaipi tiang ri cikcek in nan din.

ISAIAH 5:22

Nan lo cang! Zureu thawl lei i minthang hna! Zu ser le zu lap ton i ṭih ngei lo hna!

ISAIAH 56:12

Hi zuri hna nih hin an i thawh i, ‘Zu kha la rih u sih law kan celh chungin tawng u sih. Thaizing cu nihin nak hmanh hin a ṭha chin deuh rih lai,’ an ti,” a ti hna.

HOSEA 4:11

Zu nih ka mi hna cu a molhter cang hna!

HOSEA 7:5

An siangpahrang puai ni ah bawi pawl cu zu an ri dih i Miruamkai rual hna sinah cun amah zong cu aa tel ve.

LEVITIKAS 10:9

“Nangmah nih siseh, na fapale hna nih siseh, tonnak thlam chungah nan luh tikah mitsur hang siseh zu siseh nan ding lai lo, nan thih sual nakhnga lo; mah cucu a zungzal in nan tefa hna chan tiangin nawlbia a si lai.

HABAKKUK 2:5

Rumnak hi hlen a hmang, mihakkau hi an i porhlaw i dai zirziar in an um kho lo. Thihnak bantuk an si — khim ti an ngei lo. Cucaah cun ram khat hnu ram khat an tuk hna i an tei hna i an mi kha an sinah an pumh hna.

1 KORIN 6:10

mi thil a chutmi le hak a kaumi le zu a rimi le mi congoih a hmangmi le mifir a simi hna nih cun Pathian Pennak cu an co lai lo.

GALATI 5:21

ziar an i ngeih, zu an ri, an au an khuang i cu bantuk thil a dang tampi kha an tuah lengmang hna. Hmasa ah ralrin bia ka rak in chimh cang hna bantuk khan atu ah kan chimh ṭhan hna: cu bantuk thil a tuahmi cu Pathian Pennak an hmu lai lo.

EFESA 5:18

Zu ri hlah u, zu cu nanmah hrawktu lawnglawng a si ko, Thlarau tu khan khat deuh u.