PHUNGTHLÛKBIA 2:6 - Lai (Hakha) Common Language Bible 2006

⁶ Zeicahtiah Bawipa nih cun fimnak kha a pek hna i hngalhnak le hngalhthiamnak kha a cawnpiak hna.

Laibaibal Thiang (BSI)

⁶ Zeitintiah BAWIPA nih fimnâk a pêk i a hmurkâ in hngalhnâk le theihthiamnâk a chuak tawn.

PHUNGTHLÛKBIA 2:6 ပူးပေါင်းရင်းမြစ်များ

1 SIANGPAHRANG 10:24

Cun Solomon cu a lung chung i fimnak Pathian nih a chiahmi theih awkah khan vawleicung mi dihlak nih khan an fuh.

1 SIANGPAHRANG 3:12

zohhmanh, na bia bangin ka tuah lai. Zohhmanh, a fim le thil a thleidang khomi lungthin kan pek, cucaah nangmah bantuk ahohmanh an rak um bal lo i nangmah bantuk hi a chuah zong an chuak bal ti fawn lai lo.

1 SIANGPAHRANG 3:9

Cucaah na mi hi uk khawhnak caah a ṭha le a chia kha ka thleidan khawh nakhnga, na salpa hi hngalhthiamnak lungthin ka pe tuah; zeicahtiah, aho nih dah hi na miphun ngan hi a uk khawh hna lai?” tiah a ti.

1 SIANGPAHRANG 4:29

Cun Pathian nih Solomon cu fimnak le hngalhthiamnak tah cawk loin le lungkauhnak rilikam thetse zat in a pek.

1 CHANRELNAK 22:12

Nangmah cu Israel mi zohkhenh awk ṭuanvo kha an pek tikah Bawipa na Pathian phungbia cu na zulh nakhnga, Bawipa nih fimnak le hngalhthiamnak in pe ko seh.

EZRA 7:25

“Cun nang, Ezra, na Pathian fimnak na kut chung i a ummi ning khan, Tiva Ral ram i a ummi vialte, na Pathian phungbia a hngalmi vialte kha bia a ceihtu dingah uktu bawi le biaceihtu kha na chiah hna lai; cun phungbia a hngal lomi kha nan cawnpiak hna lai.

NEHEMIAH 7:5

Cun Pathian nih tuavon hna le bawi hna le mi zapi hna kha an chuahkehnak ningin minthlak awk i pumhter awkah ka lung chungah ruahnak a ka pek. Cun a hmasa bik ah a rami hna chuahkehnak cauk kha ka hmuh i cu chungah cun hitin aa ṭial kha ka hmuh:

JOB 12:16

Amah sinah cun ṭhawnnak le fimnak kha a um, Hlenmi hna le hlengtu hna cu amah kut tang ummi an si.

JOB 22:22

Cawnpiaknak kha a ka in i lak law a bia cu na lung chungah i khon hna.

JOB 32:8

Sihmanhsehlaw Pathian thlarau cu minung chungah a um i Lianngan Bik thaw nih hngalhnak cu a pek hna.

SALM 119:104

Na nawlbia in fimnak ka hmuh, cucaah ziaza ṭhalo vialte kha ka huat hna.

SALM 119:34

Na phunglam kha fiang tein ka chim law ka zulh lai; ka lungthin a dih umnak in ka zulh lai.

SALM 119:98

Na nawlbia nih a ka umpi zungzal i ka ral vialte hna nakin a ka fimter deuh.

SALM 19:7

Bawipa phung cu a ṭhat a tling, nunnak thar petu a si. Bawipa nawlbia cu bochan awk a tlak, fimnak a baumi fimnak petu a si.

SALM 19:8

Bawipa phunglam cu ahmaanmi an si, cu phunglam a zulmi cu an lung aa lawm. A nawlbia cu dinnak leiah a tlingmi an si i hngalhthiamnak lungthin pe khotu an si,

SALM 51:6

Zumhawktlak lungthin hi na duhmi a si, ka lung chung hi na fimnak in khahter ko.

SALM 94:10

Miphun vialte cu amah ukmi an si, dantat loin a um hna hnga maw? Mi vialte a cawnpiaktu cu amah a si, hngal loin a um kho hnga maw?

EXODUS 31:3

Thil dawh tein ser khawhnak dingah thiamnak le thil ti khawhnak le hngalhnak a ngeih nakhnga Pathian thlarau in ka khahter cang.

PHUNGTHLÛKBIA 6:23

Zeicahtiah nawlbia cu meiinn a si i cawnpiaknak cu ceunak a si,

PHUNGCHIMTU 2:26

Pathian nih a lung a tongtu hna kha cu, fimnak le hngalhnak le lawmhnak a pek hna; sihmanhsehlaw misual hna kha cu, rian a ṭuanter hna, an ṭuan man cu a hmuhter hna i a khonter hna, sihmanhsehlaw cucu a lung a tong deuhtu kha a pek hna. Mah zong hi pakpalawng le thlitu dawi men a si ko.

ISAIAH 54:13

“Keimah hrimhrim nih na mi cu ka cawnpiak hna lai i ṭhanchonak le daihnak ka pek hna lai.

ISAIAH 8:20

Sihmanhsehlaw nannih nih cun, “Bawipa nih an cawnpiakmi hna kha ngai ko u! Thitlawng bia kha ngai hna hlah u — an chimmi nih zeihmanh an ṭhathnem hna lai lo, tiah nan leh hna lai,” a ti.

DANIEL 1:17

Hi tlangval pali hna hi an dihlak tein Pathian nih ca lei fimnak le hngalhnak le thiamnak phun kip kha a pek hna i Daniel cu langhnak le mang sullam hngalh khawhnak pahrang kha a ngei.

DANIEL 2:21

Khuacaan siseh, caan kha siseh, a thlen lengmang hna, Siangpahrang kha a ṭhumh hna i a kaiter hna; Mifim kha fimnak a pek hna i a hngalmi kha hngalhnak vialte cu a pek hna;

DANIEL 2:23

Ka pupa hna Pathian, nangmah cu kaan lawmh i kaan thangṭhat, Zeicahtiah nangmah nih fimnak le ṭhawnnak kha na ka pek; Ka thlacamnak kha na ka leh i Siangpahrang nih hngalh a duhmi kha na kan chimh.

LUKA 21:15

zeicahtiah nan ral ahohmanh nih an in tei hna i an in al khawh hna nakhnga lo, bia le fimnak kha kan pek hna lai.

JOHAN 6:45

Profet nih pei, ‘Mi vialte kha Pathian nih a cawnpiak hna lai,’ tiah an ṭial kha. Ka Pa aw kha a thei i amah zia a cawngmi paoh cu ka sinah an ra.

JEIM 1:17

Laksawng ṭha le laksawng tlamtling paohpaoh hi vancung in a rami an si; vancung i a ceumi thil a Sertu Pathian sinin a rami an si. Amah cu aa thleng lo, vancung thil ceu hna le cu thil ceu hna thladem cu an i thleng lengmang nain anih cu aa thleng bal lo.

JEIM 1:5

Sihmanhsehlaw fimnak a baumi nan um ahcun, Pathian sinah thlacam seh law Pathian nih a pek ko lai; Pathian nih cun ahopaoh kha zaangfah ngai le siang ngaiin a pek ko hna.