PHUNGTHLÛKBIA 18:14 - Lai (Hakha) Common Language Bible 2006

¹⁴ Mi cu lungthin ṭhawng nih a zawt lio ah thazang a pek khawh, sihmanhsehlaw lungthin cu hma a in ahcun, aho nih dah a tuar khawh lai?

Laibaibal Thiang (BSI)

¹⁴ Minung thlarau hi zawtlio zongah a kan tlaitu a si i thlarau kehkuai cu ahodah a tuar kho lai?

PHUNGTHLÛKBIA 18:14 ပူးပေါင်းရင်းမြစ်များ

JOB 6:4

Zeicahtiah Lianngan Bik nih a thal in a ka kah i A sivai nih ka thlarau cu a ciah. Pathian ṭihnunnak nih cun hmaitonh in an ka tianhnawh.

SALM 109:22

Kei cu sifak le rethei ka si; ka lung a fak tuk hringhran.

SALM 147:3

Lungkuai mi kha a damter hna i an hma kha a menpiak hna.

SALM 55:3

Ka ral nih an ka tlerhnak le miṭhalo nih an ka hremnak nih ka lungre an ka theihter. Ka cungah harnak an tlunter; ka cungah an thin a hung i an ka huat.

SALM 55:5

Ka ṭih tuk ah a ther in ka ther i ka luthlung in ka kechik tiang ka ther dih.

EXODUS 6:9

Cucu Moses nih khan Israel mi cu a va chimh hna, asinain an sal cannak kha a fak tuk hringhran i an lung a dongh tuk caah a bia kha an ngai duh lo.

PHUNGTHLÛKBIA 15:13

Lungchung lawmhnak nih hmai a panhter, sihmanhsehlaw lungfahnak nih lungthin a khuai tawn.

PHUNGTHLÛKBIA 17:22

Lungthin lawmh hi si ṭha a si, sihmanhsehlaw lungthin ngaihchia nih ruh kha a roter.

2 KORIN 1:12

Kan i uanmi cu hihi a si: hi vawlei cung kan nunning ah hin le nanmah he kan i pehtlaihnak ning ah hin kan umtu ziaza cu vawlei cung fimnak nih si loin Pathian vel a ṭhawnnak nih a uk i hlangfang le lungthin tak tein nan sinah khua kan sa, hihi kan chiaṭha thleidannak nih fiang tein a kan hngalhpimi a si.

2 KORIN 2:7

Atu cu nannih nih nan ngaihthiam awk le thazang nan pek awk a si, a ngaih a chiat tuk ahcun a lung a dong sual lai.

JEIM 1:2

Ka u le ka nau hna, nan cungah hneksaknak a phunphun a tlun tikah vanṭha ah i rel u,

1 PETER 1:6

Hi ruangah hin nan lung i lawm ko u, hneksaknak tampi nan in ruangah hin atu ahcun nan ngaih chia hmanh seh law i lawm ko u.