PHUNGTHLÛKBIA 18:1 - Lai (Hakha) Common Language Bible 2006

¹ Mi dang he aa rem lomi cu amah duhnak lawng zulh a duhmi a si, midang nih a hmaan an timi paoh kha a hnatlakmi a um lo.

Laibaibal Thiang (BSI)

¹ Mahlawng i a ummi nih amah duhnâk lawng a kawl i a fimmi biaceihnâk vialte kha a ralchanh tawn.

PHUNGTHLÛKBIA 18:1 ပူးပေါင်းရင်းမြစ်များ

EXODUS 33:16

A ngaingai ti ahcun, kan sin i na kal lo ahcun, na mi hna le keimah cungah Bawipa cu na lung a si ti kha mi nih zeiti hlei in dah an hngalh khawh lai? Nangmah nih na kan kalpi a si ahcun, na mi hna le keimah cu vawleicung midang vialte nakin na kan dawt khun a si lai,” a ti.

PHUNGTHLÛKBIA 14:10

Na lunglawmhnak cu nangmah tate a si, na ngaihchiatnak zong nangmah tate a si, Ahohmanh na hrawm kho hna lai lo.

PHUNGTHLÛKBIA 17:14

Sik hram i thawk hi ti khamnak a pem hramthawk bantuk khi a si. A kauh chin hlanah ngol ko.

PHUNGTHLÛKBIA 20:19

Mi hmursau nih biathli kha a phuan tawn, Cucaah a holh tukmi cu kom hlah.

PHUNGTHLÛKBIA 20:3

Mihrut aho paoh nih siknak kha a thawhter khawh, sihmanhsehlaw siknak hrial cu upat awk tlak thil a si.

PHUNGTHLÛKBIA 24:21

Ka fapa, Bawipa le siangpahrang cu ṭih hna, anmah a dohtu hna he khan i kom hlah;

PHUNGTHLÛKBIA 26:17

Aa thlak ve awk a si lomi siknak ah aa thlakmi cu a kal liomi uico a hnakhaw in a tlaimi bantuk a si.

PHUNGTHLÛKBIA 3:21

Ka fapa, fimnak ṭha le ruahthiamnak cu i ken hna, na mit hmuhnak chungin liamter hna hlah;

PHUNGTHLÛKBIA 8:14

Hngalhthiamnak le ṭhawnnak zong keimah ta an si.

JEREMIAH 15:17

Aa nuam huahmahmi hna sinah khan ka ṭhu ka um bal lo i An sin zongah kaa nuam bal lo; Nangmah nih rian na ka pekmi ruangah keimah lawng tein ka um i Nangmah nih thinhunnak in na ka khahter.

ZEKHARIAH 7:3

Bawipa inn chung i a ummi tlangbawi hna sinah khan le profet hna sinah khan, “Kum hi zat chung riangruang ka tuah tawn bangin, thla nganak thla ah hin ngaihchia le i sum in maw um awk ka si ko rih lai?” tiah an ti awk a si lai.

MATTHAI 13:11

Annih cu a leh hna i, “Vancung Pennak kong biathli hngalhnak cu nannih cu pek nan si cang, sihmanhsehlaw hi hna cu pek an si lo.

MATTHAI 13:44

“Vancung pennak cu lo chung i thuhmi rothil bantuk a si. Mi pakhatkhat nih a vaa hmuh sual tikah a khuh ṭhan ta tawn. A lung aa lawmh tuk caah a ngeihmi thil vialte kha a zuarh hna i a va kal ṭhan i a lo ning in a va cawk,” tiah a ti.

MARKA 1:35

A thaizing cu zingkate in, ni a chuah hlanpi ah, Jesuh cu a tho i khua leng hmun king ah thlacam awkah a kal.

MARKA 4:11

Jesuh nih cun a leh hna i, “Pathian Pennak biathli cu nannih cu pek nan si cang, sihmanhsehlaw lenglei i a ummi hna cu bianabia lawnglawng in cawnpiak an si.

ROM 1:1

Khrih Jesuh sal le Pathian nih a Thawngṭha chim awkah a thim i a auhmi lamkaltu keimah Paul nih ca kan kuat hna.

2 KORIN 6:17

Cucaah Bawipa nih, “Annih cu nan kaltak hrimhrim hna lai i an sin cun nan i ṭhen hrimhrim lai. A thiang lomi kha zeihmanh tawng hlah u law kan cohlan hna lai.

DEUTERONOMI 14:6

Zei saram paoh a tin a ṭe i a tin cheu hnih ah aa cheu i rawlret a khaimi cu, saram hna lakah nan ei awk an si lai.

JUDAS 1:19

Hi hna cu ṭhennak a chuahtertu, an pumsa duhnak nih a ukmi, Thlarau a ngei lomi an si.