PHUNGTHLÛKBIA 17:23 - Lai (Hakha) Common Language Bible 2006

²³ Biaceihtu ṭhalo nih ziknawh an lak tawn i dinnak in bia an ceih lo.

Laibaibal Thiang (BSI)

²³ Misuaksual nih diknâk lam kha kawihmerh awkah hnulei in ziknawh a lak tawn.

PHUNGTHLÛKBIA 17:23 ပူးပေါင်းရင်းမြစ်များ

EXODUS 23:8

Nawhthuh la hrimhrim hlah u, zeicahtiah nawhthuh nih cun bawi kha an mit a cawtter hna i a sual lomi hna bia kha pakpalawng ah a canter.

PHUNGTHLÛKBIA 17:8

Mi a cheu nih, nawhthuh nih cun camh bantukin rian a ṭuan khawh, tiah an ruah, zeipaoh a tuah khawh tiah an zumh.

PHUNGTHLÛKBIA 18:16

Laksawng nih laksawng petu caah khan lam a hun i mingan hna sinah khan a phakpi.

PHUNGTHLÛKBIA 21:14

A thli tein pekmi laksawng nih thinhunnak kha a damter, puan tangin pekmi nawhthuh nih thinlinhnak ṭhawngpi kha a daihter.

PHUNGCHIMTU 7:7

Mifim mi nih midang pakhatkhat a hlen hna ahcun, mihrut bantukin rian a ṭuan a si. Nawhthuh nih lungthin a ṭhutter.

ISAIAH 1:23

Na bawi hna cu ralthawh hmangmi le mifir hna hawikom an si; laksawng le ziknawh kha an ei thluangthluan ko. Zung ah khan ngakṭah kha zeitikhmanh ah an ṭanh duh bal hna lo i nuhmei cu an bia kha a ngaih hmanh an ngaihpiak duh bal hna lo.

ISAIAH 5:23

Hi bantuk thil tuah ah cun hi tlukin nan ral a ṭha nain zik an in nawh hna tikah misual cu nan luatter hna i a sual lomi kha an bia ding tein nan ceihpiak duh hna lo.

EZEKIEL 22:12

Nangmah chungah hin mi nih thisen chuahnak caah ziknawh an ei i docawi tikah dongtanh le a karh an lak hna. Nannih nih i miak duh ruangah nan hawile kha nan hrem hna i keimah cu nan ka philh; tiah Bawipa Pathian nih a ti.

EZEKIEL 22:27

A chung i a bawi pawl hna cu an sa sehmi a ei cuahmahmi cenghngia hrang bantuk an si, a ding loin miaknak hmuhnak caah khan mi thisen kha an chuah i an thah hna.

MIKAH 3:11

Khua a uktu hna nih khan ziknawh ei in an uk hna. Tlangbawi hna nih khan a man hmuh awk lawngah phungbia kha an chimh hna. Profet hna nih khan tangka hmuhnak ding ca lawngah phuannak kha an chim; Cun an dihlak in Bawipa cu kan sinah a um, an ti dih. An i thawh i, “Bawipa cu kan sinah a um lo mei? Harnak zeihmanh nih a kan tlunhnawh kho lai lo,” an ti.

MIKAH 3:9

Israel uktu hna, ka bia ngai tuah u, nannih dinnak kha a hua i ṭhatnak kha palhnak i a mertu hna, ngai tuah u.

MIKAH 7:3

Ṭhat lonak tuah kha a thiam ngaingaimi an si dih. Bawi nih si hna seh, biaceihtu nih si hna seh, ziknawh kha an duh dih. Nawl ngeimipa nih khan a duhnak kha a chimh hna i hmunkhat ah khua an khang ṭi.

DEUTERONOMI 16:19

Dinglo piin bia kha nan ceih lai lo, duhdanh nan ngei lai lo, nawhthuh nan la lai lo, zeitintiah nawhthuh nih mifim mi mit kha a cawtter i miding mi bia kha a lehtalam tawn.

1 SAMUEL 12:3

Hika ah hin ka um hih; Bawipa le a chiti thuhmi hmaiah hin ka soi tuah u. Aho cawtum ka la bal maw? Aho laa ka la bal maw? Aho tal ka hleng bal hna maw? Aho tal ka hrem bal maw? Ka mit phenhtertu ah aho sinin nawhthuh ka la bal maw? Ka chim u law, kan rulh hna lai,” tiah a ti.

1 SAMUEL 8:3

Asinain, a fapa hna cu amah lam kha an zul lo, miaknak tu kha an merhnawh. Nawhthuh kha an lak i biading kha an merh.