PHUNGTHLÛKBIA 17:17 - Lai (Hakha) Common Language Bible 2006

¹⁷ Hawikom nih cun zei tik paoh ah dawt zungzal a si, u le nau cu harnak i hrawm awkah hrin kan si.

Laibaibal Thiang (BSI)

¹⁷ Hawikawm nih zeitik cân zongah a dawt, unau tu cu vansan ni caah a chuakmi a si.

PHUNGTHLÛKBIA 17:17 ပူးပေါင်းရင်းမြစ်များ

2 SAMUEL 1:26

Ka nau Jonathan, Nangmah cu kan ngai, Zeitluk in dah ka caah na sun Na ka dawtnak cu khuaruahhar a si, nu dawtnak kha a hluan.

2 SAMUEL 15:21

Sihmanhsehlaw Ittai nih siangpahrang cu a leh i, “Bawipa nih a nun bangin le siangpahrang ka bawipa nih a nun bangin, siangpahrang ka bawipa a umnak hmun paoh ah, thih siseh nun siseh, khika ah na salpa cu ka um ve lai,” tiah a ti.

ESTHER 4:14

Zeicahtiah hi bantuk caan i dai tein na um ko ahcun, Judah mi hna caah hin himnak le luatnak cu hmun dang le ka dang in a chuak ṭhiamṭhiam ko lai, sihmanhsehlaw nangmah le na pa innchungkhar hna tu hi nan thi lai. Hi bantuk caan caah hin dahkaw pennak chung i na phak hi a hei si ko hnga, aho nih dah a hngalh?” tiah a ti.

PHUNGTHLÛKBIA 16:28

Mi lungthin ṭhalo nih rem lonak kha an karhter i Mi dupdap nih hawikom ṭha kha an ṭhen hna.

PHUNGTHLÛKBIA 18:24

Hawikom a cheu khat cu pakpalawng biachim lawngah an ṭhahnem, sihmanhsehlaw unau nakin a fek deuhmi hawikom zong an um ve.

PHUNGTHLÛKBIA 19:13

Fapa hrut nih a pa cu rawhnak ah a phakpi, Nupi phunzai cu ruah-it khuachiat bantuk a si.

PHUNGTHLÛKBIA 19:7

Misifak cu a unau vialte nih an huat tawn, Zeitluk in dah a hawile chinchin nih cun hrial loin an um lai.

HEBRU 2:11

Minung cu an sualnak kha a thianhpiak hna; minung sualnak a thianhtu le an sualnak a thianhpiakmi hna minung cu, an bu hnih in, an Pa cu aa khat ko. Cu ruangah cun Jesuh nih ka unau hna ti i kawh kha a ning a zak lo.

RUTH 1:16

Sihmanhsehlaw Ruth nih, “Nangmah he i ṭhen awk le nangmah zul lo i kir ṭhan awkah ka lem len hlah; zeicahtiah na kalnak ah ka kal ve lai i na riahnak ah ka riak ve lai; na miphun cu ka miphun an si ve lai i na Pathian cu ka Pathian a si ve lai;

1 SAMUEL 18:3

Khi tikah Jonathan nih David sinah khan biakamnak a ser, zeitintiah amah nunnak bantukin a dawt.

1 SAMUEL 19:2

Cun Jonathan nih David cu, “Ka pa Saul nih thah an timh; cucaah zinglei ah cun i ralring tuah, hmun ken fiak ah um law i thup;

1 SAMUEL 19:3

cun ka kal lai i na umnak lo lakah khan ka pa pawngah ka dir lai i nangmah kong kha ka pa cu ka ruah lai, cun zeizei ka hngalhmi a um ahcun kan chimh lai,” tiah a ti.

1 SAMUEL 20:17

Cun Jonathan nih David cu amah a dawtnak chalh in chiat a serter ṭhan; zeitintiah amah nunnak aa dawt bantuk te khan a dawt.

1 SAMUEL 23:16

Cun Saul fapa Jonathan kha a tho i David sinah Horesh ah khan a kal i amah kha Pathian ah a kut a fehter.