PHUNGTHLÛKBIA 16:9 - Lai (Hakha) Common Language Bible 2006

⁹ Minung nih hin a khualtlawnnak ding khua kha a khan, sihmanhsehlaw a kephau a hruaitu cu Bawipa a si.

Laibaibal Thiang (BSI)

⁹ Minung lungthin nih a lam a ruat tawn, asinain BAWIPA nih a kephau cu a hruai tawn.

PHUNGTHLÛKBIA 16:9 ပူးပေါင်းရင်းမြစ်များ

2 CHANRELNAK 22:7

Sihmanhsehlaw Pathian nih a rak ruahning ah hin Ahaziah ṭumchuknak cu Joram a vung tlawnnak hin tlung dingin a rak si. Zeitintiah khika a phak tikah Joram he khan an chuak i Bawipa nih Ahab innchungkhar hrawktu dingah chiti a thuhmi Jehu, Nimshi fapa kha an ton.

SALM 37:23

Minung hi a kalnak ding lam a hmuhsaktu cu Bawipa a si, Amah duhnak a tuahmi cu a huhphenh hna.

PHUNGTHLÛKBIA 16:1

Minung nih khua cu an khan ko lai, sihmanhsehlaw a donghnak bia a ngeitu cu Pathian a si.

PHUNGTHLÛKBIA 16:8

Dinlonak in hmuhmi thil tampi nakcun dinnak in hmuhmi tlawmte a ṭha deuh.

PHUNGTHLÛKBIA 19:21

Minung lung chungah khuakhannak tampi a um ko lai, sihmanhsehlaw Pathian tinhmi lawng kha a hmun lai.

PHUNGTHLÛKBIA 20:24

Minung lam a kan hruaitu cu Bawipa a si, zeitindah mi nih a lam cu a hngalh khawh lai?

PHUNGTHLÛKBIA 21:1

Siangpahrang lungthin cu Bawipa kut chungah a ummi a si, tilaknak tilam bantukin a duhnak lei paoh ah a mermi a si.

PHUNGTHLÛKBIA 21:30

Fimnak siseh, hngalhnak siseh, chunglei thil purh khawhnak siseh, Bawipa hmaiah cun zeihmanh an si lo.

ISAIAH 46:10

A hramthawk tein a phichuak zeidah a si te lai ti kha ka rak chim; thil um ding kha a um hlan piin ka rak chim. Kaa tinhmi cu ka tlolh bal lai lo, ka ti; tuah kaa timhmi cu a dihlak in ka tuah lai.

JEREMIAH 10:23

Maw Bawipa, minung nih a zulhmi a lam hi amah nih aa thimmi an si lo i A nun chung i a kalnak lam zong hi amah nih aa ser khawhmi an si lo ti kha ka hngalh.

1 SAMUEL 9:16

“Thaizing atu tik hrawngah hin, na sinah Benjamin peng i mipa pakhat ka rak thlah lai i amah cu ka mi Israel mi hna cung i bawi si awkah chiti na rak thuh lai. Amah nih ka mi hna cu Filistin mi kut chungin a khamh hna lai; zeitintiah an aunak kha ka sinah a phak cang caah ka mi hna nih hremnak an inmi cu ka hmuh cang,” tiah a ti.