PHUNGTHLÛKBIA 16:4 - Lai (Hakha) Common Language Bible 2006

⁴ Bawipa nih zeizong vialte hi anmah ca i tinh ciomi caah khan a ser hna, miṭhalo hna hmanh hi, harnak ni caah a ser hna.

Laibaibal Thiang (BSI)

⁴ BAWIPA nih zeizong vialte hi amah caah a ser hna, asi, misuaksual hna hmanh hi chiat ton ni caah sermi an si.

PHUNGTHLÛKBIA 16:4 ပူးပေါင်းရင်းမြစ်များ

GENESIS 1:31

Pathian nih a sermi thil vialte cu a zoh i a lung a si ngaingai. Zanlei cu a hung dih i zinglei kha a hung um, cucu ni ruknak ni cu a si.

JOB 15:23

Langta hna rawl caah hlonh a si i, Cu bantuk mi nih cun, ka rawhnak ding kha a fiang, tiah a hngalh.

JOB 21:30

Pathian cu a thin a hun i mi kha dan a tat hna tikah, a luatmi cu miṭhalo ṭheo an si ko.

EXODUS 9:16

Sihmanhsehlaw ka ṭhawnnak kha nangmah cu kan hmuhsak khawh nakhnga kan nunter i cuticun ka minthannak nih vawleicung kha a cul dih lai.

PHUNGTHLÛKBIA 16:5

Miruamkai cu Bawipa caah fihnung an si, hnadai tein um ko, dantatnak hmu loin an um lai lo.

PHUNGCHIMTU 3:11

Zeizong vialte hi anmahle an caan te a serpiak cio hna; cun hmailei thil hngalh duhnak kha minung kan lungthin chungah a chiah i asinain Pathian nih a tuahmi kha tling tein hngalh khawhnak kha cu a kan pe lo.

ISAIAH 43:21

Ka thimmi ka mi hna cu keimah ca i kaa sermi an si — anmah nih ka thangṭhatnak hla cu an sak hna lai,” a ti.

ISAIAH 43:7

Annih cu keimah mi an si i keimah sunparnak petu dingah ka sermi an si,” a ti.

ROM 11:36

Zeicahtiah zeizong vialte hi amah nih a sermi an si i zeizong vialte hi amah thawngin a ummi an si, amah caah an si dih. Pathian cungah sunparnak cu zungzal in um ko seh! Amen.

ROM 9:22

Cu bantuk ṭhiamṭhiam in Pathian tuahmi zong cu a si ko. A thinhunnak le a ṭhawnnak kha langhter a duh. Sihmanhsehlaw a thin a huntertu hna, hrawh awk a simi hna cungah khan lungsaunak a ngei.

1 PETER 2:8

Cun Cathiang chung hmun dang pakhat ah, “Hi lung hi mi a rilhtertu lung a si lai, a tluktertu hna lungpi a si lai,” tiin a um fawn. Annih an rilh cu an zumh lo caah a si; cuticun um hna seh ti kha Pathian duhning a si.

2 PETER 2:3

Cawnpiaktu hmaanlo hna cu, hakkaumi an si caah, an phuahchommi tuanbia kha an in chimhmi hna cu, nanmah kha zeitindah kan miak khawh hna lai tinak caah a si lai. Sihmanhsehlaw anmah bia a ceihtu hna ding Bawi aa timhnak cu caan saupi a si cang i anmah a Hrawktu hna ding cu aa hlau cang.

2 PETER 2:9

Cuticun Pathian nih harnak an inmi chungin Pathian a ṭihmi hna khamh cu a thiam i miṭhalo pawl cu Biaceih Ni tiang dantatnak tang i chiah cu a thiam.

BIAPHUAN 4:11

“Kan Bawipa le kan Pathian, Nangmah cu sunparnak le upatnak le lianhngannak kha hmuh awkah aa tlakmi na si. Zeicahtiah zeizong vialte kha nangmah nih na ser hna i Nangmah duhnak bangin annih cu ser an si i nunnak an ngei,” tiah an ti.