PHUNGTHLÛKBIA 16:16 - Lai (Hakha) Common Language Bible 2006

¹⁶ Fimnak ngeih hi sui nakin a ṭha deuh, hngalhthiamnak ngeih hi ngun nakin thim deuh awk a si.

Laibaibal Thiang (BSI)

¹⁶ Sui nâkin fimnâk ngeih cu zeitluk in dah a ṭhat deuh! asi, ngun nâkin theihthiamnâk cu i thim deuh awk a si.

PHUNGTHLÛKBIA 16:16 ပူးပေါင်းရင်းမြစ်များ

SALM 119:127

Na nawlbia cu sui nakin ka duh deuh hna, sui ṭha bik nakin ka duh deuh hna.

PHUNGTHLÛKBIA 2:4

Ngun bantukin na kawl i thuhmi ro bantukin na kawl ahcun,

PHUNGTHLÛKBIA 3:13

Fimnak a hmumi cu a lung aa lawm, hngalhthiamnak a ngeimi zong aa lawm ve;

PHUNGTHLÛKBIA 3:14

Zeicahtiah fimnak cu ngun nakin a ṭha deuh i miaknak a chuahpimi cu sui nakin a ṭha deuh.

PHUNGTHLÛKBIA 4:5

Ka chimmi bia hi philh hna hlah law i theihter duh loin um hna hlah.

PHUNGTHLÛKBIA 4:7

Fimnak cu hlaw hlah, amah nih cun him tein an zohkhenh lai; amah cu daw law an huhphenh lai;

PHUNGTHLÛKBIA 8:19

Ka theitlai cu sui nakin a ṭha deuh, sui thiang nak hmanh in a ṭha deuh, ka chuahpimi theitlai cu ngun ṭha phun nakin a ṭha deuh.

PHUNGCHIMTU 7:12

Zeicahtiah fimnak nih cun tangka tlukin lung hnangamnak a pek khawh i hngalhnak nih ṭhatnak a pek khawhmi cu hihi a si: hngalhnak a ngeimi nih cun fimnak a hmuh i fimnak nih cun him tein a umter.

MATTHAI 16:26

Mi nih hin vawlei pumpi hi co hmanh seh law, a nunnak a sungh ṭung ahcun zeital a miak hnga maw? A miak lai lo. A nunnak kha zeihmanh in a caw ṭhan kho lai lo.

LUKA 12:21

Cun Jesuh nih cun a biadonghnak ah, “Hitihin pei anmah ca lawng i chawva a khong cuahmah i Pathian hmuhnak i a rum ṭung lomi cu an si cu,” tiah a ti.