PHUNGTHLÛKBIA 15:8 - Lai (Hakha) Common Language Bible 2006

⁸ Miṭhalo hna raithawinak cu Bawipa caah fihnung a si, sihmanhsehlaw miṭha hna thlacamnak cu a lawmhmi a si.

Laibaibal Thiang (BSI)

⁸ Misuaksual raithawinâk cu BAWIPA caah fihnung a si i midik thlacamnâk cu â lawmhnâk a si.

PHUNGTHLÛKBIA 15:8 ပူးပေါင်းရင်းမြစ်များ

2 SAMUEL 15:12

Cun Absalom nih raithawinak kha a pekchanh lioah David tlangchuak, Gilon mi Ahithophel kha amah khua Giloh khan a hei cah. Cun ralthli khua an khan ṭinak cu a ṭhawng chin lengmang i Absalom mi cu an karh chin lengmang.

1 SIANGPAHRANG 3:10

Solomon nih hi thil hi a hal caah Bawipa cu aa lawm.

1 CHANRELNAK 29:17

Ka Pathian, nangmah nih lung kha na hneksak i dinnak kha na duhmi a si ti kha ka hngalh; ka lung dinnak in hi thil vialte hi lungtho tein kan pekchanh i atu cu hika i a ummi na mi hna nih lungthote le lunglawm tein an in pekchanh kha ka hmuh cang.

SALM 141:2

Ka thlacamnak cu zihmui bangin ka cohlanpiak law ka kut ka hlermi cu zanlei raithawinak sa bangin ka cohlanpiak ko.

SALM 17:1

Maw Bawipa, kan nawlnak a dingmi hi ngai tuah, nangmah bawmh hal in ka aunak hi ka theihpiak tuah. Ka chungah hlennak zeihmanh a um lo caah ka thlacamnak cu ka theihpiak ko.

PHUNGTHLÛKBIA 10:24

Miṭhalo cu a ṭihmi thil kha a cungah a tlung lai, sihmanhsehlaw miding nih cun a saduhthah kha a co lai.

PHUNGTHLÛKBIA 15:29

Miṭha nih thla an cam tikah Bawipa nih a ngaihpiak hna, sihmanhsehlaw miṭhalo cu zei ah a rel hna lo.

PHUNGTHLÛKBIA 15:7

Mifim hmurka nih hngalhnak kha an ṭhanter, mihrut lungthin tu cu, cu bantuk a si lo.

PHUNGTHLÛKBIA 21:27

Miṭhalo raithawinak cu Bawipa, caah fihnung a si, Tinhmi ṭhalo he a rak put ahcun zeitluk in dik fihnung a si chinchin.

PHUNGTHLÛKBIA 21:3

Dinnak le biading tuah kha, raithawinak nakin Bawipa nih a cohlan deuhmi a si.

PHUNGTHLÛKBIA 28:9

Phungbia kha ngai duh loin a mertakmi cu a thlacamnak hmanh kha fihnung a si.

PHUNGCHIMTU 5:1

Biaknak inn na kal ah hin i ralring. Cu ka i na va kal tikah zeidah kaa cawn khawh lai ti kha ruat deuh, cucu ahmaanmi thil le ahmaan lo mithil a thleidang kho lomi mihrut hna nih an pekchanhmi raithawinak nakin a ṭha deuh.

SOLOMON HLA 2:14

Dai zirziar in lungpang kua a hlum, nang ka ṭhuro, Na hmel dawh cu ka hmuhter rih law, na anka thlum zong, Na awte nih i zel ngiaimai in na mui zong dawh ai.

ISAIAH 61:8

Bawipa nih, “Dinnak kha ka duh i hremnak le thil ṭhalo tuahnak kha ka huat. Ka mi cu ka lehrulh hrimhrim hna lai i anmah he zungzal hmunmi biakamnak ka ser lai.

ISAIAH 66:3

“Hi mi hna nih hin cun anmah duhning paoh in an tuah. An duh ah raithawinak caah cawtum kha an thah i an duh ah minung kha an hei thah fawn ko; tuufa kha rai ah an thawi i uico zong kha a hngawng an hei merh fawn ko; rawl thawinak caah fang an pekchanh i vok thi zong an hei pekchanh fawn ko, zihmui kha an khangh i siasal sinah khan thla an hei cam fawn ko. Pathian biaknak ah hi bantuk fihnung lam zulh hi an i lawmh zia a si.

JEREMIAH 6:20

Sheba in a rami frankinsen zihmui le ram hla piin a rami fu thlum hna cu ka caah zeidah an ṭhathnem? Nan khangh thawinak cu ka cohlang hna lai lo, Nan raithawinak zong ka lawmhmi an si lo.

DANIEL 9:23

“Daniel, na hngalhnak kha fianter awkah ka ra. Na thlacamnak kha na thawk tikah Pathian nih an leh. Pathian nih an dawt caah an lehnak chimh awkah atu hi ka ra. A sullam ka chim lioah bia cu ṭha tein ruat tuah:

LEVITIKAS 7:18

A daihnak thawinak pekchanhmi sa cu a ni thumnak ni i ei a si ahcun, a pechantu cu cohlan a si lai lo, a pechantu zong cu pekchanh ah relpiak a si lai lo; thil fihnung a si lai i a eitu nih a ṭhat lonak cu a in lai.

MIKAH 6:6

Bawipa cu ka fuh tikah zeidah kaa put lai? Cungsang ah a ummi Pathian hmaiah zeitindah ka kun lai? Khangh thawinak le kum khat a timi cawfa hna he maw amah cu ka fuh lai?

MIKAH 6:7

Bawipa cu tuukawng a thongthong le chiti a tiva in a luangmi kha pe ning law, cucu maw a duhmi cu a si hnga? Ka tuah sualmi tlanhnak caah ka fapa upa bik cu maw ka pekchanh lai? Ka sualnak caah khan ka fale cu maw amah cu ka pekchanh hna lai?

HAGGAI 2:14

Cun Haggai nih cun, “Bawipa nih, ‘Cu bantukin hi mi hna, ka hmaika i a ummi miphun le an kut nih a tuahmi rian vialte hi an si i an ka pekchanhmi hi a thiang lomi an si,’ a ti,” tiah a ti.

MALAKHI 1:10

Nannih pakhatkhat nih innkhar ngan kha pit tein rak khar u law ka biakṭheng cungah khan ceu kha lut lo lawlaw in rak um seh law a ṭha deuh suaumau hnga. Nan cungah lunglawmhnak ka ngei lo, nan sinin pekchanhmi thil zeihmanh ka cohlang lai lo, tiah ralkapbu Bawipa nih a ti.

JOHAN 4:24

Pathian cu thlarau a si i a biatu hna nih cun thlarau le biatak in an biak awk a si,” tiah a ti.