PHUNGTHLÛKBIA 15:4 - Lai (Hakha) Common Language Bible 2006

⁴ Bia nem cu nunnak thingkung a si, sihmanhsehlaw ṭhat lonak a tuahtu lei nih lungthin kha a khuai tawn.

Laibaibal Thiang (BSI)

⁴ A ngan a dammi lei cu nunnâk thingkung a si i ilhkhiahnâk nih thlarau a khuai tawn.

PHUNGTHLÛKBIA 15:4 ပူးပေါင်းရင်းမြစ်များ

SALM 109:22

Kei cu sifak le rethei ka si; ka lung a fak tuk hringhran.

PHUNGTHLÛKBIA 10:11

Miding kaa cu nunnak cerhti a si, sihmanhsehlaw miṭhalo hna kaa nih cun zaang-ennak kha an i hmawm.

PHUNGTHLÛKBIA 12:18

Ruah set loin chimmi bia nih cun nam chunh bangin mi a chunh, sihmanhsehlaw mifim bia nih cun hma kha a damter.

PHUNGTHLÛKBIA 15:3

Bawipa nih khuazei ka i thil a ummi hmanh kha a hmuh dih, ṭhatnak kan tuah ah siseh, chiatnak kan tuah ah siseh, a kan hmuh dih ko.

PHUNGTHLÛKBIA 15:5

Mihrut nih a pa chimhhrinnak kha zei ah a rel lo, sihmanhsehlaw mawhchiatnak zei ah a relmi cu mifim a si.

PHUNGTHLÛKBIA 16:24

Biathlum cu khuaihliti bantuk a si, nunnak caah a thlum i pum caah damnak a si.

PHUNGTHLÛKBIA 18:14

Mi cu lungthin ṭhawng nih a zawt lio ah thazang a pek khawh, sihmanhsehlaw lungthin cu hma a in ahcun, aho nih dah a tuar khawh lai?

PHUNGTHLÛKBIA 18:8

Mi congoihnak bia chim cu a thlummi changreu bantukin a thaw i pum chung chungchin ah khan kan lemh riahmah ko hna.

PHUNGTHLÛKBIA 26:22

Din tein bia a chim depmaptu bia cu rawl thaw bantuk a si, pum chung chungchin ah khan a lut kho.

PHUNGTHLÛKBIA 3:18

Amah aa tlaihmi hna caah cun nunnak thingkung a si i amah kha fek tein aa tlaihmi cu him tein an um.

MALAKHI 4:2

Sihmanhsehlaw ka min a ṭihzahmi nannih caah cun, dinnak ni, a thla ah damnak a hun i zuanpimi ni cu a hung chuak lai i kawm chungin chuahmi cawfano hna bantukin nan luat lai i nan i lawm lai.

1TIMOTE 6:3

Hihi na cawnpiak hna awk le na chimh hna awk a si. Kan Bawi Jesuh Khrih bia le kan biaknak phung nih a kan cawnpiakmi he aa khat lomi cawnpiaknak phun dang a cawnpiaktu hna paoh cu

BIAPHUAN 2:7

“Hna nan ngeih ahcun, Thlarau nih Khrihfabu hna sinah a chimmi bia cu ngai ko u! Teitu a simi cu, Pathian Dum chung i a ummi nunnak thingkung theitlai einak nawl kha ka pek hna lai,” a ti.