PHUNGTHLÛKBIA 14:8 - Lai (Hakha) Common Language Bible 2006

⁸ Zeicahdah mifim cu a fim? Zeidah ka tuah lai ti kha aa hngalh caah a fim. Zeicahdah mihrut cu a hruh? Ka hngalh tiah aa ruah caah a hrut.

Laibaibal Thiang (BSI)

⁸ Mah sining hngalh hi ruahthiamnâk ngeimi fimnâk a si, asinain mihrut hna hruhnâk cu hlennâk a si.

PHUNGTHLÛKBIA 14:8 ပူးပေါင်းရင်းမြစ်များ

SALM 111:10

Bawipa ṭih hi fim hram i thawh cu a si; cu bantukin a nungmi cu hngalhnak ah an ṭhang, Bawipa cu zungzal in thangṭhat si ko seh.

SALM 119:5

Na kan pekmi phunglam cu zumhawktlak tein zul kho ning law zeitluk in dik ka va lunghmuih hnga!

SALM 119:73

Nangmah nih na ka ser i nangmah nih him tein na ka umter; na nawlbia kha ka hngalh khawh hna nakhnga hngalhthiamnak ka pe ko.

SALM 143:8

Nangmah cu kan bochan ko; zinglei ah a fekmi na dawtnak kha ka hngalhter ṭhan ko. Ka thlacamnak cu nangmah sinah an kai, ka kalnak ding lam cu ka hmuhsak ko.

PHUNGTHLÛKBIA 11:18

Miṭhalo nih ahmaan loin miaknak a hmuh tawn, ṭhatnak a tuhtu nih cun laksawng taktak cu a hmuh lai.

PHUNGTHLÛKBIA 12:5

Miding hna tinhmi cu mi cung i ding tein tuah kha a si, sihmanhsehlaw miṭhalo hna khuakhannak cu hlennak in a khat.

PHUNGTHLÛKBIA 15:21

Mihrut cu an hruhnak ah khan an i lawm ko, sihmanhsehlaw mifim nih cun ahmaanmi thil kha an tuah.

PHUNGTHLÛKBIA 2:9

Khi tikah dinnak le biading cu na hngalh lai i miṭha mi hna lam kha na zulh lai;

PHUNGTHLÛKBIA 8:20

Dinnak lam ah khan ka kal i biading lam ah khan ka kal,

PHUNGCHIMTU 2:13

Fimnak cu hruhnak nakin a ṭha deuh ti cu ka hngalh, ceunak cu muihnak nakin a ṭhat deuh bantukin.

PHUNGCHIMTU 2:16

Ahohmanh nih mifim kha an hngal camcin hna lo, ahohmanh nih mihrut kha an hngal camcin ve hna lo. Hmailei ah cun kan dihlak in philh kan si ko lai. Kan dihlak in kan thi lai — a fim he a hrut he kan thi dih ko lai. 1

JEREMIAH 13:20

Jerusalem khuami hna, hei cuan u law chaklei in a rami khi hei zoh tuah hna u, Nanmah an in pekmi hna tuurun kha khuazei ah dah a si? Naa porhlawt ngaimi tuurun kha?

1 KORIN 3:19

Zeicahtiah hi vawlei nih fimnak i a ruahmi cu Pathian hmaiah cun pakpalawng a si. Cathiang nih, “Pathian nih mifim hna cu an zernak lila ah khan a foihter hna,” tiah a ti bang hin a si taktak.

EFESA 4:22

Cucaah nan rak nun tawnning in an nuntertu hna nan mihring hlun kha hlaw u, cu mihring hlun cu pumsa duhnak hlenhmang nih a hrawh lengmang tawnmi kha a si.

EFESA 5:17

Mihrut si ti hlah u, Bawipa nih tuah hna seh ti an duhmi hna tu kha tuah i zuam u.

2TIMOTE 3:13

sihmanhsehlaw miṭhalo le chungthu lengnal pawl cu a ṭhalo chin lengmang khan an um lai i midang kha an hlen lengmang hna lai i anmah le anmah zong kha an i hleng lengmang lai.

JEIM 3:13

Nan lakah a fim i hngalhnak a ngeimi nan um maw? Cu hna nih cun a fimmi le hngalhnak a ngeimi an si kha a ṭhami an nunning le toidornak lungthin le fimnak in an tuahmi thil ah khan an langhter awk a si.