PHUNGTHLÛKBIA 13:20 - Lai (Hakha) Common Language Bible 2006

²⁰ Mifim hna sinah i chawk ve lengmang law na fim lai, mihrut hna he i kom law a ping ah an in hruai lai.

Laibaibal Thiang (BSI)

²⁰ Mifim hna nunin a nungmi cu an fim lai i mihrut komhtu cu hrawh an si lai.

PHUNGTHLÛKBIA 13:20 ပူးပေါင်းရင်းမြစ်များ

GENESIS 14:12

Lot zong cu Sodom i a um caah a ngeihmi thil vialte he an kalpi ve.

1 SIANGPAHRANG 12:10

Cun amah ṭhirual tlangval hna nih khan amah cu, “Na pa nih cun kan seihnam kha a rihter ko, sihmanhsehlaw nang nih cun kan zanterpiak ko,’ tiah na sinah a titu, hi mi hna sinah cun hi bangin na chim lai; hi bangin annih sinah, ‘Ka hngete cu ka pa tai nakin a chah deuh.

1 SIANGPAHRANG 12:8

Sihmanhsehlaw upa hna nih fim an chimhmi kha a hlawt i amah ṭhirual a hmaiah a um tawnmi tlangval hna kha ruahnak cheuh a hal hna.

1 SIANGPAHRANG 22:32

Cun rangleng ralbawi hna nih khan Jehoshafat kha an hmuh tikah, “Amah hi Israel siangpahrang a si hrimhrim ko,” tiah an ti. Cucaah amah tuk awkah khan an i mer i Jehoshafat cu a au.

1 SIANGPAHRANG 22:4

Cun Jehoshafat cu a thawh i, “Ramoth-gilead i vaa tuk awkah na ka kalpi hnga maw?” tiah a ti. Cun Jehoshafat nih Israel siangpahrang cu a thawh i, “Kei le nang cu mi khat kan si ko, ka mi cu na mi an si ve ko i ka rang cu na rang an si ve ko,” tiah a ti.

2 CHANRELNAK 10:8

Sihmanhsehlaw upa hna nih fim an chimhmi kha a hlawt i amah ṭhirual a hmaiah a um tawnmi tlangval hna kha ruahnak cheuh a hal hna.

2 CHANRELNAK 19:2

Sihmanhsehlaw hmutu Hanani fapa Jehu nih amah cu ton awkah a kal i Siangpahrang Jehoshafat cu a thawh i, “Miṭhalo cu bawmh i Bawipa a huami hna cu dawt awk a si maw? Hi ruangah hin nangmah cungah Bawipa thinhunnak cu a chuak cang.

2 CHANRELNAK 22:4

Ahab innchungkhar nih an rak tuah bang khan, amah zong nih Bawipa mithmuh i ṭhat lonak kha a tuah; a pa thih hnuah, anmah cu ṭhat lonak tuahnak leiah khan fim a chimtu an si.

SALM 119:63

Na rian a ṭuanmi hna cu ahohmanh an si ah ka hawikom an si, na phunglam a zulmi hna i an hawikom ka si.

PHUNGTHLÛKBIA 13:19

Saduhthah tlin hi zeitluk in dah a ṭhat! Sihmanhsehlaw ṭhat lonak mertak hi mihrut caah cun fihnung a si.

PHUNGTHLÛKBIA 14:7

Mihrut cu hrial ko hna, zeihmanh an in cawnpiak khawh ding a um lo.

PHUNGTHLÛKBIA 15:31

Chimhhrinnak a ṭhami kha ṭha tein a ruatmi cu mifim hna bu chungah khan aa tel ve lai.

PHUNGTHLÛKBIA 22:24

Thinhun a hmang lengmangmi cu va kom hlah, thin tawimi zong va kom hlah,

PHUNGTHLÛKBIA 22:25

A lam kha naa cawn sual lai i nangmah le nangmah rap ah naa foih lai.

PHUNGTHLÛKBIA 7:27

A inn cu Sheol i vung kalnak lam, thihnak khan chung i a vung lutmi a si.

PHUNGTHLÛKBIA 9:6

Hruhnak lam kha kaltak u law nung cang tuah u, fimnak lam kha zul tuah u,” a ti.

MALAKHI 3:16

Khi tikah Bawipa a ṭihmi hna cu pakhat le pakhat bia an i ruah i Bawipa nih an bia cu a theihpiak hna i a ngaihpiak hna. Amah a ṭihmi hna le an lungchung in a min aa cinkenmi hna cu a hmaika i cazin chungah an min kha a khumh hna.

LAMKALTU 2:42

Lamkaltu hna cawnpiaknak ngaih awkah khan atu le atu an i pum i hawikomhnak ah khan an i tel i hawikomhnak rawl an dum ṭi i thla an cam ṭi lengmang.

HEBRU 10:24

Pakhat le pakhat kan i dawt khawh nakhnga le thil ṭha kan i tuahpiak khawh nakhnga, i bawm tliahmah u sih.

BIAPHUAN 18:4

Cun vancung in aw pakhat ka theih ṭhan i, “Ka mi hna, chuak tuah u, Amah chung khan chuak tuah u! Sualnak a tuahmi ah khan i tel hlah u, Dantatnak a hmuh ding zong kha i hrawm hlah u.