PHUNGTHLÛKBIA 13:18 - Lai (Hakha) Common Language Bible 2006

¹⁸ Cawnpiaknak zei ah a rel lomi cu sifahnak le ningzahnak nih a phak hna, sihmanhsehlaw chimhhrinnak zei ah a relmi cu upatnak an hmu.

Laibaibal Thiang (BSI)

¹⁸ Palhmi-remhnâk zeiah a rel lomi cungah chamhbaunâk le ningzahnâk a phân lai, asinain chimhhrinnâk biapi i a ruatmi cu upat a si lai.

PHUNGTHLÛKBIA 13:18 ပူးပေါင်းရင်းမြစ်များ

SALM 141:5

Miṭha nih cun dawtnak in ka si hna seh law dan ka tat ko hna seh, sihmanhsehlaw miṭhalo nih cun ka lu ah sathau ka thuh hna hlah seh, zeicahtiah cu bantukin ka cungah an tuah ahcun, thil ṭhalo an tuahmi i aa tel vemi ah an ka ser khawh sual ai hnga.

PHUNGTHLÛKBIA 12:1

Hngalhnak a duhmi nih cun a palh tikah na palh tiah chimh kha a duh, palhnak chimh huat cu hruh a si.

PHUNGTHLÛKBIA 13:13

Chimhhrinnak bia zei ah a rel lomi nih amah cungah harnak a tlunter, sihmanhsehlaw a zulmi nih cun laksawng a hmuh lai.

PHUNGTHLÛKBIA 13:19

Saduhthah tlin hi zeitluk in dah a ṭhat! Sihmanhsehlaw ṭhat lonak mertak hi mihrut caah cun fihnung a si.

PHUNGTHLÛKBIA 13:25

Miding cu ei awk a za in an ngei, sihmanhsehlaw miṭhalo cu an rawl a ṭam zungzal ko.

PHUNGTHLÛKBIA 15:5

Mihrut nih a pa chimhhrinnak kha zei ah a rel lo, sihmanhsehlaw mawhchiatnak zei ah a relmi cu mifim a si.

PHUNGTHLÛKBIA 19:6

Mi tampi nih mi lian he hawikom sinak kha an kawl, Laksawng a pe lengmang tu caah cun aho paoh hawikom an si ko.

PHUNGTHLÛKBIA 25:12

Chimhringtu a fimmi cu, a bia ngaih a duhmi caah cun, Sui kutdonghrolh le sui hlawn bantuk a si.

PHUNGTHLÛKBIA 9:9

Mifim cu cawnpiak law a fim chin lai, miding cu cawnpiak law a thiamnak aa chap lai.

PHUNGCHIMTU 7:5

Mihrut mi nih na thangṭhatnak hlasak in an sak nakin, mifim mi nih an in sik kha a ṭha deuh.

JEREMIAH 3:25

Ningzak in it ko u sih, kan mualphonak nih khan kan khuh ko seh, Zeicahtiah kanmah le kan pupa hna nih Bawipa kan Pathian cungah khan Hlanpi in atu tiang kan sual i Bawipa kan Pathian kha a bia kan ngai lo,” nan ti.

HEBRU 12:25

Cucaah cun ralring tein um u law nan sin i bia a chimtu bia kha al sual hlah u. Vawlei ah Pathian bia a chimtu bia theih a duh lomi cu an luat lo. Cucaah cun vancung in bia a run chimtu bia cu kan ngaih lo ahcun zeitluk in dah kan luat lo chinchin lai.