PHUNGTHLÛKBIA 12:7 - Lai (Hakha) Common Language Bible 2006

⁷ Miṭhalo cu an tla i cucu an donghnak a si, sihmanhsehlaw miding hna tefa cu an i peh lengmang.

Laibaibal Thiang (BSI)

⁷ Misuaksual hna cu hlonh an si i an um ti lo, asinain miding chungkhar cu a dir lai.

PHUNGTHLÛKBIA 12:7 ပူးပေါင်းရင်းမြစ်များ

2 SAMUEL 7:16

Cun na inn le na pennak cu ka hmaiah a zungzal fek dingin ser a si lai; na bawi ṭhutdan cu zungzal in a hmun lai,’ a ti,” tiah a ti.

2 SAMUEL 7:26

cun ‘Ralkapbu Bawipa cu Israel Pathian a si,’ tiin na min cu a zungzal in upat a si lai i, na sal David innchungkhar cu nangmah hmaiah fehter si ko seh.

ESTHER 9:14

Cucaah mah cucu tuah awkah siangpahrang nih nawlbia a ser i Susa khua chungah cun biakhiahnak a chuah i Haman fapa pahra hna cu an thlai hna.

JOB 11:20

Sihmanhsehlaw miṭhalo cu mitcawtnak nih khan a tlakhnawh lai i Luatnak lam vialte kha a thlau hna lai, An i ruahchanmi cu, an thaw hmanung bik chuah kha a si ko lai,” tiah a ti.

JOB 34:25

Cucaah an tuahmi vialte kha pakpalawng ah a canter i Zan ah khan a merhnawh hna i an kuai dih.

SALM 37:10

Luklak ah miṭhalo cu an lo ko lai, na kawl hna hmanh ah na hmu kho hna lai lo.

PHUNGTHLÛKBIA 10:25

Thlichia nih miṭhalo cu a choih hna, sihmanhsehlaw miding cu an him.

PHUNGTHLÛKBIA 11:21

Hnadai tein um ko, miṭhalo cu dantatnak hmu loin a um lai lo, sihmanhsehlaw miding hna le an tefa hna cu an luat lai.

PHUNGTHLÛKBIA 12:8

Na fim ahcun thangṭhatnak na hmuh lai, na hruh ahcun mi nih an in zohchuk lai.

PHUNGTHLÛKBIA 14:1

Nu fim nih an inn kha an sak, sihmanhsehlaw nu hrut nih anmah kut lila in an ṭheh dih hna.

PHUNGTHLÛKBIA 14:11

Miṭhalo inn cu hrawh a si lai, sihmanhsehlaw miding inn cu a hungcho lai.

PHUNGTHLÛKBIA 15:25

Bawipa nih aa porhlawmi inn cu a ṭheh, sihmanhsehlaw nuhmei thilri kha a humhak hna.