PHUNGTHLÛKBIA 12:18 - Lai (Hakha) Common Language Bible 2006

¹⁸ Ruah set loin chimmi bia nih cun nam chunh bangin mi a chunh, sihmanhsehlaw mifim bia nih cun hma kha a damter.

Laibaibal Thiang (BSI)

¹⁸ Vainam chunh bang i biachim tawnmi an um, asinain mifim bia nih a damter tawn.

PHUNGTHLÛKBIA 12:18 ပူးပေါင်းရင်းမြစ်များ

SALM 52:2

Midang hrawhnak ding caah khua na khang lengmang, na lei cu a harmi nam bantuk a si, lih lawng kha na chim ṭualmal ko.

SALM 57:4

Mi seh hmang chiandeih hna lakah ka it, an ha cu fei le thal bantuk an si, an lei cu kawngthun har bantuk an si.

SALM 57:5

Maw Pathian, na lianhngannak cu van ah khin langhter law na sunparnak cu vawlei cung dihlak ah hin langhter ko.

SALM 59:7

An chimmi bia cu ngai tuah! An lei cu an kaa chungah vainam bantuk an si nain an i thawh i, “Aho nih dah a kan theih lem lai?” an ti.

SALM 64:3

An lei kha nam bantukin an i tat i bia ṭhalo kha thal bantukin an kah.

PHUNGTHLÛKBIA 12:17

Biatak a chimmi nih cun ding tein tehte a khan, sihmanhsehlaw tehte ding lo cu hlennak bia in a khat.

PHUNGTHLÛKBIA 13:17

Lamkaltu ṭhalo nih harnak chungah a luhpi tawn hna, Sihmanhsehlaw zumh awk tlak lamkaltu nih cun zeizong vialte kha an ṭhatter ṭhan tawn.

PHUNGTHLÛKBIA 15:4

Bia nem cu nunnak thingkung a si, sihmanhsehlaw ṭhat lonak a tuahtu lei nih lungthin kha a khuai tawn.

PHUNGTHLÛKBIA 15:7

Mifim hmurka nih hngalhnak kha an ṭhanter, mihrut lungthin tu cu, cu bantuk a si lo.

PHUNGTHLÛKBIA 16:24

Biathlum cu khuaihliti bantuk a si, nunnak caah a thlum i pum caah damnak a si.

PHUNGTHLÛKBIA 25:18

A hawikom cungah a hmaan lomi tehte a simi cu thingtan le vainam le a harmi cantiang bantuk a si.

PHUNGTHLÛKBIA 4:22

Zeicahtiah aa hmuhmi caah cun nunnak an si i a pum dihlak damnak an si.

DANIEL 11:33

Hi miphun a hruaitu hna mifim hna nih khan zapi cu lam an hruai hna lai, sihmanhsehlaw caan tlawmte chung cu mei le vainam in hremmi ah an tla lai i saltannak le ramhnak kha an in lai.

BIAPHUAN 1:16

A orhlei kut in arfi pasarih aa put hna i a ka chungin kap hnih in a harmi nam a chuak. A hmai cu chunlai ni ceu bantukin a ceu.

BIAPHUAN 22:2

Cu tivakam ah cun nunnak thingkung cu a um i kum khat ah voi hleihnih, thla khat ah voi khat lengmang thei a tlai; cun a hnah cu miphun vialte hna caah damnak a si.