PHUNGTHLÛKBIA 11:31 - Lai (Hakha) Common Language Bible 2006

³¹ Miding hna nih vawlei cungah hin an hmuh awk hnga kha an hmuh ahcun miṭhalo hna le misual hna nih cun zeitluk in dah an hmuh chinchin lai.

Laibaibal Thiang (BSI)

³¹ Miding hmanh lei ah cham an si ahcun, Pathian ṭihzahlo le misual hna cu zeitlukindah a si chin chin lai?

PHUNGTHLÛKBIA 11:31 ပူးပေါင်းရင်းမြစ်များ

2 SAMUEL 22:21

Bawipa nih ka dinnak ningin laksawng a ka pek; Ka kut hna an thianning in a ka lehrulh.

2 SAMUEL 22:25

Cucaah Bawipa nih ka dinnak ningin a ka lehrulh, Amah mit hmuh i ka thiannak ningin.

1 SIANGPAHRANG 13:24

Cun a kal lioah khan lam ah chiandeih nih a ton i a seh. Cun a pum cu lam ah cun a tla i laa cu a pawngah khan a dir ko; chiandeih zong cu a ruak pawngah cun a dir ve ko.

PHUNGTHLÛKBIA 12:1

Hngalhnak a duhmi nih cun a palh tikah na palh tiah chimh kha a duh, palhnak chimh huat cu hruh a si.

PHUNGTHLÛKBIA 13:21

Misual mi cu vanchiatnak nih a zulh hna, sihmanhsehlaw miding cu ṭhatnak laksawng an hmu lai.

PHUNGTHLÛKBIA 26:10

Mihrut siseh, zuri siseh, rianṭuan ah aa sawmmi cu, A rami paoh a rak kap tawntu thalkah thiam bantuk a si.

ISAIAH 13:11

Bawipa nih aa thawh i, “Vawleicung ah rawhralnak ka tlunter lai i miṭhalo vialte cu an sualnak ruangah khan dan ka tat dih hna lai. Aa porhlawmi paohpaoh kha ka ṭhumh hna lai i a lung a puammi le ruam a kaimi vialte cu dan ka tat hna lai.

ISAIAH 3:11

Sihmanhsehlaw miṭhalo cu an lo ko cang; an tuahmi kha an cungah lehrulh a si lai.

JEREMIAH 25:29

Ka min in auhmi khua cu dan ka tat hmasa bik lai; nannih cu kan luat hnga tiah nan i ruat maw? Luat hlah, nan luat kho lai lo, zeicahtiah vawlei cung i khua a sami vialte tuknak caah vainam kha ka au lio, tiah Ralkapbu Bawipa nih a ti,’ na ti hna lai.

EZEKIEL 44:10

Sihmanhsehlaw Levi mi nih cun Israel mi hna nih a pingah an kal i an siasal kha an biak hna i an ṭhat lonak ruangah dantatnak an hmuh tikah khan, rak ka hlaw hna hmanh seh law, anmah ṭhiamṭhiam nih ka hmunthiang chungah rian an ṭuan lai.

HOSEA 4:9

Zapi nih dantatnak ah hmuh dingmi kha tlangbawi hna cungah a tlung ve lai. Annih cu dan ka tat hna lai i ṭhat lonak an tuahmi ruangah khan ka lehrulh hna lai.