PHUNGTHLÛKBIA 11:13 - Lai (Hakha) Common Language Bible 2006

¹³ Aa chawk lengmangmi mihmursau cu biathli phuan hmangmi an si, sihmanhsehlaw zumh awk tlak a simi nih cun thil kha a lung chungah a thuh hna.

Laibaibal Thiang (BSI)

¹³ Biaduh hna nih biathli an phuan tawn, asinain zumhtlâk thinlung a ngeimi nih thil a thuh tawn.

PHUNGTHLÛKBIA 11:13 ပူးပေါင်းရင်းမြစ်များ

PHUNGTHLÛKBIA 10:19

Bia tam deuh na chim paoh ah tam deuh in na sual ve sual ko lai, cucaah na fim ahcun bia naa sum lai.

PHUNGTHLÛKBIA 11:12

A innpa a zawmhtaihmi cu mihrut a si, sihmanhsehlaw hngalhthiamnak a ngeimi cu dai tein a um tawn.

PHUNGTHLÛKBIA 12:23

Mifim nih cun a fimnak kha a langhter lo, Sihmanhsehlaw mihrut nih cun a hruhnak kha a thanh in a thanh.

PHUNGTHLÛKBIA 14:5

Zumh awk tlakmi tehte nih cun lih kha a chim lo, sihmanhsehlaw tehte dinglo nih cun lih kha a thaw ah aa chuahchih.

PHUNGTHLÛKBIA 19:11

Lungsau thinfual hi fim a si, Palhnak i hmaimilh cio hi minung sunparnak a si.

PHUNGTHLÛKBIA 20:19

Mi hmursau nih biathli kha a phuan tawn, Cucaah a holh tukmi cu kom hlah.

PHUNGTHLÛKBIA 25:9

Na innpa he nan ruahnak aa dan ahcun cucu nanmah pahnih i ceih hmasa u, Sihmanhsehlaw midang biathli bel kha phuang hlah;

JEREMIAH 38:27

Bawi vialte cu Jeremiah sinah cun an ra taktak i bia an hal i siangpahrang nih a chim bantukte khan a leh hna. Annih nih an tuah khawhmi zeihmanh a um lo, zeicahtiah ahohmanh nih bia an i ruah thawng kha a langin an thei hna lo.

LEVITIKAS 19:16

Na mi hna lakah mi kongthang ceih in vak len ko hlah, na innpa nunnak hrawh awkah dir hlah: keimah hi Bawipa cu ka si.

1TIMOTE 5:13

Inn khat hnu inn khat an vak lengmang i an caan kha pakpalawng men ah an hman. Cun cu nak hmanh in a ṭhalo chinmi cu, mi congoih kha an thiam i a kenkip ah khan an vaa sawh i chim awk a si lomi zong kha an chim lengmang.

JOSHUA 2:14

Cun mi hna nih cun a sinah, “Kan nun ah nan nung ve lai! Hi kan rian hi na chim lo ahcun, Bawipa nih hi ram kha a kan pek tikah zaangfahnak te le zumh awk tlak tein kan in ti lai,” tiah an ti.

JOSHUA 2:20

Sihmanhsehlaw kan rian hi na chim ahcun, chiat na kan sertermi biakamnak ah hin kannih cu mawhchiat awk kan si hnga lo,” tiah an ti.