PHUNGTHLÛKBIA 11:10 - Lai (Hakha) Common Language Bible 2006

¹⁰ Miding hna huncho tikah khua cu aa lawm, miṭhalo hna an thih tikah lawmhnak au thawng a um.

Laibaibal Thiang (BSI)

¹⁰ Miding hna ṭha tein an tluan lio ahcun khualipi an i lawm i misuaksual hna an thih tikah lunglawmhnâk a um.

PHUNGTHLÛKBIA 11:10 ပူးပေါင်းရင်းမြစ်များ

2 SIANGPAHRANG 11:20

Cucaah rammi vialte cu an lung a lawm; cun Athaliah cu vainam in siangpahrang inn i an thah hnuah khan, khua cu a dai.

2 CHANRELNAK 23:13

cun a hei zoh tikah luhnak ka ah khan siangpahrang cu a tungpi pawng i a dir i siangpahrang pawngah cun haotu pawl le muko tumtu hna an um le ramchung mi vialte cu an i lawm i muko an tum i an hlasatu pawl hna nih an awdawh tumnak thilri hna he conglawmh tuahnak cu an hrui hna kha a hmuh. Cun Athaliah nih a puan kha a thleh hna i, “Rawinak a si! Rawinak a si!” tiah a au.

2 CHANRELNAK 23:21

Cucaah ram chungah mi vialte cu an i lawm; Athaliah kha vainam in an thah hnuah cun khua kha a dai.

JOB 27:23

A kut a benghhnawh i a umnak hmun kip ah khan therphang in a umter.

EXODUS 15:21

Miriam nih cun hla a sakpi hna i, Bawipa nih lianhngannak in a tei caah Bawipa cu hla in thangṭhat u; rangtum hna le a cung i aa citmi hna kha rili chungah a paih hna,” a ti.

PHUNGTHLÛKBIA 11:11

Miding hna an um thawngin khua cu a lianngan, sihmanhsehlaw miṭhalo hna bia nih khua cu a hrawh tawn.

PHUNGTHLÛKBIA 28:12

Miding mi nih uknak an co tikah conglawmhnak tampi a um, sihmanhsehlaw miṭhalo an kai tikah mi cu an i thup dih.

PHUNGTHLÛKBIA 28:28

Miṭhalo nih uknak an tlaih tikah mi cu an i thup dih, sihmanhsehlaw an loh tikah miding mi nih khan uknak cu an co ve.

PHUNGTHLÛKBIA 29:2

Miding mi hna cu nawl ngeimi an si tikah mi cu an i lawm, Sihmanhsehlaw miṭhalo hna kha uktu an si tikah mi cu an hrum tawn.

JEREMIAH 51:48

Van le vawlei le a chung i a ummi thil vialte hna nih, Babilon cu a tluk caah lunglawmhnak in hla an sa lai; Zeicahtiah chaklei in a rami ral hna nih, amah cu an tei lai, tiah Bawipa nih a ti.

BIACEIHTU 5:31

“Cu bantukin na ral vialte cu, maw Bawipa, rawk dih hna seh! Sihmanhsehlaw na hawikom hna cu, Ni khi a ṭhawnnak in a chuah bantuk khi si hna seh.” Cun ram cu kum sawm li chung aa din.