PHUNGTHLÛKBIA 10:18 - Lai (Hakha) Common Language Bible 2006

¹⁸ Huatnak a paw chungah a thupmi nih a hmur in lih a chim, hawi thangchiatnak a chimmi cu mihrut an si.

Laibaibal Thiang (BSI)

¹⁸ Huatnâk a thuptu cu lih chimtu hmur a si i congoihnâk bia a karhtertu cu mihrut a si.

PHUNGTHLÛKBIA 10:18 ပူးပေါင်းရင်းမြစ်များ

2 SAMUEL 3:27

Cun Abner kha Hebron i a ra kir tikah Joab nih a thli in biaruah awkah hauka chungah khan ken khat ah a kalpi i a nau Asahel thisen caah khan khika ah a paw ah a chunh i a thi.

SALM 101:5

Mi congoih a hmangmi kha daihter kaa zuam hna lai i miporhlaw hna le miruamkai hna he cabuai i ṭhut ṭi cu ka hrial lai.

SALM 12:2

Pakhat le pakhat an i hleng i hlepar faknak hmur le lung hnih ngei in bia an chim.

SALM 15:3

mi congoih a hmang lo i hawikom cungah ṭhat lonak a tuah lo i a innpa a congoih lo i

SALM 5:9

Ka ral nih an chimmi bia cu zeitikhmanh ah zumh khawhmi bia an si lo, Zeicahtiah annih cu mi hrawh lawnglawng kha an duh; an kaa cu chilh lomi thlan bantuk a si i an bia cu hlennak bia le nal bia lawnglawng an si.

SALM 50:20

Nanmah nan unau congoih kha nan i tim zungzal, midang sual kawl lawng kha nan duh.

SALM 55:21

A chimmi bia cu thawhpat nakin a nal deuh sihmanhsehlaw a lung chungah cun huatnak a um; a bia cu chiti bantukin a nem, sihmanhsehlaw nam bantukin mi a chun.

EXODUS 23:1

“Ahmaan lomi thawngpang kha mi sinah nan chim chin lai lo. A sualmipa kha ahmaan lomi tehte sinak in va bawm hlah.

JEREMIAH 6:28

An dihlak in midohhmang, milungkhong, Mi congoih i a vak lengmangmi an si.

JEREMIAH 9:4

Ahohmanh nan innpa kha i ralring cio hna u, nan unau kha zum hna hlah u; Zeicahtiah unau nih unau kha hlen a si i hawikom nih hawikom kha congoih a si.

LEVITIKAS 19:16

Na mi hna lakah mi kongthang ceih in vak len ko hlah, na innpa nunnak hrawh awkah dir hlah: keimah hi Bawipa cu ka si.

1 SAMUEL 18:29

Saul nih cun David kha a ṭih chinchin. Cucaah Saul cu David ral a si zungzal ko.