PHUNGTHLÛKBIA 10:15 - Lai (Hakha) Common Language Bible 2006

¹⁵ Mirum hna an ralhruang cu an chawva a si, misifak hna an rawhnak cu an sifahnak hi a si.

Laibaibal Thiang (BSI)

¹⁵ Mirum rumnâk cu a caah a fekmi khuapi a si i misifak hna rawhralnâk cu an sifahnâk kha a si.

PHUNGTHLÛKBIA 10:15 ပူးပေါင်းရင်းမြစ်များ

SALM 52:7

“Himnak hmuhnak caah Pathian aa bochan lomipa hi zohhmanh u, Pathian kha i bochan loin a rumnak pi tu kha aa bochan i a ṭhat lonak tu ah khan himnak a um, tiin a ruah,” an in ti lai.

PHUNGTHLÛKBIA 14:20

Misifak cu ahohmanh nih an duh lo, sihmanhsehlaw mirum cu hawikom tampi a ngei.

PHUNGTHLÛKBIA 18:11

Mirum mi nih a chawva cu, a fekmi khua le a sangmi ralhau a si tiah a ruah.

PHUNGTHLÛKBIA 19:7

Misifak cu a unau vialte nih an huat tawn, Zeitluk in dah a hawile chinchin nih cun hrial loin an um lai.

PHUNGCHIMTU 7:12

Zeicahtiah fimnak nih cun tangka tlukin lung hnangamnak a pek khawh i hngalhnak nih ṭhatnak a pek khawhmi cu hihi a si: hngalhnak a ngeimi nih cun fimnak a hmuh i fimnak nih cun him tein a umter.

JEREMIAH 9:23

Hi bangin Bawipa nih a ti: “Mifim nih a fimnak kha i porhlaw hlah seh, miṭhawng nih a thazang kha i porhlaw hlah seh, mirum nih a rumnak kha i porhlaw hlah seh;

MARKA 10:24

Cu a chimmi bia an theih tikah a zultu hna cu an khuaruah a har ko. Asinain Jesuh nih a thawh ṭhan hna i, “Ka fale hna, Pathian Pennak chung luh hi zeitluk in dah a har!

LUKA 12:19

Cun keimah le keimah cu kaa thawh lai i, Mivanṭha pa! Kum tampi caah a za in thil ṭha vialte cu na ngeih cang. Cucaah nuam tein um ko cang, ei law ding law i nuam ko, ka ti lai,’ a ti.

1TIMOTE 6:17

Vawleicung thil i a rummi kha, nan i porhlawt awk a si lo, cun bochan awk a tlak lomi nan rumnak hi a bo zong nan i bochan awk a si lo, tiah na cawnpiak hna lai. Sihmanhsehlaw kan ca i a ṭha dingah zeizong vialte siang ngaiin a kan petu Pathian kha nan i bochan awk a si, tiah na chimh hna lai.