PHUNGTHLÛKBIA 10:14 - Lai (Hakha) Common Language Bible 2006

¹⁴ Mifim nih cun hngalhnak kha an i khon, sihmanhsehlaw mihrut nih bia an chim hluahmah tikah khan rawknak kha a nai.

Laibaibal Thiang (BSI)

¹⁴ Mifim hna nih hngalhnâk an pumh luaimai, asinain mihrut hmurkâ nih rawhralnâk a naih peng.

PHUNGTHLÛKBIA 10:14 ပူးပေါင်းရင်းမြစ်များ

PHUNGTHLÛKBIA 1:5

Cun mifim zong nih an ngaih ahcun an fimnak a ṭhang lai i Hngalhthiamnak a ngeimi nih thiamnak an hmuh chin lai i

PHUNGTHLÛKBIA 10:10

Palhnak a um tikah tla dedep tein a mit a ṭhepmi cu harnak chuahtertu a si, sihmanhsehlaw ralṭhat in mi a chimhringmi cu daihnak umtertu a si.

PHUNGTHLÛKBIA 10:8

A fimmi nih cun nawlbia kha a lung chungah aa ken, sihmanhsehlaw mihrut mikatam cu ngaihchiatnak a phan lai.

PHUNGTHLÛKBIA 12:23

Mifim nih cun a fimnak kha a langhter lo, Sihmanhsehlaw mihrut nih cun a hruhnak kha a thanh in a thanh.

PHUNGTHLÛKBIA 13:3

Na biachimmi kha i ralring law na nunnak kha naa veng kho lai, ralrin loin bia a chimmi nih cun amah lila kha aa hrawk ko.

PHUNGTHLÛKBIA 17:20

Ruahnak kawi a ngeimi cu khuaawng an pem lo, lei ṭhalo a ngeimi cu vanchiatnak chungah an tla tawn.

PHUNGTHLÛKBIA 18:1

Mi dang he aa rem lomi cu amah duhnak lawng zulh a duhmi a si, midang nih a hmaan an timi paoh kha a hnatlakmi a um lo.

PHUNGTHLÛKBIA 18:15

Ruahnak a fimmi nih cun hngalhnak kha an i lak chin lengmang i mifim mi nih an hna in hngalhnak kha an kawl.

PHUNGTHLÛKBIA 18:7

Mihrut cu a kaa kha amah rawhnak a si, a hmur kha amah lila caah rap a si.

PHUNGTHLÛKBIA 19:8

Fimnak ngeih hi mah le mah dawt a si, Cun na hngalhmi kha i chingchiah law khuaawng na tong lai.

PHUNGTHLÛKBIA 21:23

A ka le a lei aa veng khomi cu harnak chungin aa veng khomi a si.

PHUNGTHLÛKBIA 9:9

Mifim cu cawnpiak law a fim chin lai, miding cu cawnpiak law a thiamnak aa chap lai.

PHUNGCHIMTU 10:12

Mifim cu a kaa chungin a chuakmi bia nih upatnak a pek, Sihmanhsehlaw mihrut cu amah bia lila nih a hrawh.

MATTHAI 12:35

Miṭha nih cun thil ṭha aa khonmi chung khan thil ṭha a chuah hna i miṭhalo nih cun thil ṭhalo aa khonmi chung khan thil ṭhalo a chuah hna.

MATTHAI 13:44

“Vancung pennak cu lo chung i thuhmi rothil bantuk a si. Mi pakhatkhat nih a vaa hmuh sual tikah a khuh ṭhan ta tawn. A lung aa lawmh tuk caah a ngeihmi thil vialte kha a zuarh hna i a va kal ṭhan i a lo ning in a va cawk,” tiah a ti.

MATTHAI 13:52

Cucaah a thawh hna i, “Phungbia cawnpiaktu saya, Vancung Pennak kong cawnpiaknak a cohlangmi cu, inn ngeitu, a thil khonnak chungin thil thar he thil hlun he a chuah lengmangtu bantuk a si,” tiah a ti.