PHUNGTHLÛKBIA 10:1 - Lai (Hakha) Common Language Bible 2006

¹ Solomon phungthluk bia hna: Fapa fim nih a pa a lawmhter, sihmanhsehlaw fapa hrut cu a nu caah ngaihchiatnak a si.

Laibaibal Thiang (BSI)

¹ Solomon phungthlûkbia: fapa fimnih a pa a lomhter i fapa hrut cu a nu ngaihchiat tertu a si.

PHUNGTHLÛKBIA 10:1 ပူးပေါင်းရင်းမြစ်များ

1 SIANGPAHRANG 4:32

Cun phungthlukbia zong thong thum a chim i a hla cu fung thong khat le fung nga an si.

PHUNGTHLÛKBIA 1:1

David fapa Solomon, Israel siangpahrang phungthlukbia:

PHUNGTHLÛKBIA 13:1

Fapa fim nih cun a pa nih a chimhhrinnak kha a ngaih, Sihmanhsehlaw mi lungpuam nih cun ka palh tiah a ti bal lo.

PHUNGTHLÛKBIA 15:20

Fapa fim nih a pa kha a lawmhter, sihmanhsehlaw a hrutmi mino nih a nu kha a nehsawh.

PHUNGTHLÛKBIA 17:21

Fapa hrut cu a pa caah ngaihchiatnak a si, a pa cu lunglawmhnak a ngei lo.

PHUNGTHLÛKBIA 17:25

Fapa hrut nih cun a pa kha awlokchong in a tuah i a hringtu a nu caah lungretheihnak a si.

PHUNGTHLÛKBIA 19:13

Fapa hrut nih a pa cu rawhnak ah a phakpi, Nupi phunzai cu ruah-it khuachiat bantuk a si.

PHUNGTHLÛKBIA 25:1

Hi zong hi Solomon phungthluk bia, Judah siangpahrang Hezekiah mi hna nih an ṭial chinmi cu an si.

PHUNGTHLÛKBIA 27:11

Ka fapa, fim law ka lung ka lawmhter tuah, cuticun a ka soitu kha ka leh khawh hna lai.

PHUNGTHLÛKBIA 29:15

Fungfek le chimhhrinnak nih fimnak an pek, sihmanhsehlaw ngakchia anmah duh in thlahdorhmi nih cun an nule kha ningzahnak an phorh hna.

PHUNGTHLÛKBIA 29:17

Na fapa cu chimhring law hnangamnak an pek lai; na lung an lawmhter lai.

PHUNGTHLÛKBIA 29:3

Fimnak a duhmi nih a pa cu a lawmhter, Sihmanhsehlaw hlawhhlangnu a kommi nih cun a chaw kha a hlohlak tawn.

PHUNGCHIMTU 12:9

Phungchimtu cu a fim caah a hngalhmi kha mi cu a cawnpiak lengmang ko hna. Phungthluk bia kha a cawn hna i biatak an si maw si lo ti kha fel tein a hneksak hna.

PHUNGCHIMTU 2:19

cun mah pa cu mifim a si lai le mihrut a si lai kha aho nih dah a hngalh? A zei a si hmanh ah rethei ngaiin ka ṭuanmi le ni toiah ka fimnak ka hmanmi thil vialte cungah amah cu bawi a si ko lai. Mah zong hi pakpalawng a si ko.