PHUNGCHIMTU 9:7 - Lai (Hakha) Common Language Bible 2006

⁷ Va kal ko, na rawl cu va ei law vaa nuam ko, na zu cu va ding law na tha va nuam ko, na tuahmi paoh cu Pathian hnatla a si ko.

PHUNGCHIMTU 9:7 ပူးပေါင်းရင်းမြစ်များ

GENESIS 12:19

Zeicahdah ka far a si na ti i na ka ṭhitter? Na nupi hi i lak law kal u,” tiah a ti.

1 SIANGPAHRANG 8:66

A ni riat ni ah cun mi cu a kalter hna; annih nih siangpahrang kha thluachuah an pek i Bawipa nih a sal David le a mi Israel mi cung i ṭhatnak a langhtermi ruangah lunglawm le thanuam in an inn cio ah an tlung.

PHUNGCHIMTU 10:19

Puai nih an lawmhter khawh, zu nih an nuamhter khawh, Sihmanhsehlaw tangka loin a zei paohpaoh hmanh cu na ngeih khawhmi an si lo.

PHUNGCHIMTU 11:8

Na nun chungte hi cu na nun rihmi kum paoh caah khan i lawm ko, Zeicahtiah zei can na nun hmanh ah na nun chung nakin na thih hnu cu a sau deuh ṭheo lai ti kha hngal ko. Hmailei thil zeihmanh i ngaih awk a um lo.

PHUNGCHIMTU 5:18

Hihi ka va hmuhmi thil a si. Mi nih hin a ṭha bik a tuah khawhmi cu ei i din i Pathian nih nunnak tawite a pekmi chung i a rianṭuanmi chungin a hmuhmi kha i nuamhpi hi a si ko; cucu minung kan covo cu a si ko.

PHUNGCHIMTU 7:14

Ṭhat ni ah i lawm law harnak na ton ni ah hihi va ruat tuah: Pathian nih lunglawmhnak zong cu a umter i harnak zong cu a umter, hmailei ah zeidah a um lai ti bel, ahohmanh nih an hngal lo.

PHUNGCHIMTU 8:15

Cucaah minung hi aa nuamh khawh chungin i nuam ko seh, ka ti. Zeicahtiah a nun chung i a hmuhmi nuamhnak cu ei le din le mah le mah i nuamh lawng hi a si ko i hi vawlei cung i Pathian nih nunnak a pekmi chung i rian a ṭuannak ah hin hi ceo cu pei a tuah khawhmi cu a si ko cu.

NAMBAR 6:20

cun tlangbawi nih Bawipa hmai i hninh thawinak ah a hninh hna lai; annih cu tlangbawi ca i a thiangmi covo an si, a ii hninhmi le a phei thawimi he khan; cu hnuah cun Nazir mi nih cun mitsur hang a din khawh lai.

MARKA 7:29

Cucaah Jesuh nih cun, “Cu bantukin na ka leh caah na inn ah va ṭin ko, na fanu chungin khuachia kha a chuak cang,” tiah a ti.

LUKA 11:41

Sihmanhsehlaw nan hrai chung le nan kheng chung i a ummi thil kha misifak va pe hna u law nan caah zeizong vialte a thiang ko lai.

JOHAN 4:50

Jesuh nih cun, “Va kal ko, na fa cu a nung lai,” tiah a ti. Mipa nih khan Jesuh nih a chimmi kha a zumh i a kal.

LAMKALTU 10:35

Mi zei miphun chungmi hmanh a si ah, amah a ṭihmi paoh le dinnak a tuahmi paoh cu a cohlan hna.

DEUTERONOMI 12:12

Cun Bawipa nan Pathian hmaiah nan i lawm lai, nanmah le nan fapa hna le nan fanu hna, nan salpa hna le nan salnu hna le nannih lak i a ummi Levi mi he tiah, zeicahtiah anih cu nannih sinah covo siseh ro siseh a ngei lo.

DEUTERONOMI 12:7

cun khika ah Bawipa nan Pathian hmaiah nan ei lai i nan tuahmi kip i Bawipa nan Pathian nih thluachuah an pekmi hna ah cun nanmah le nan chungkhar hna he nan i lawm lai.

RUTH 3:7

Cun Boaz cu a ei a din dih in a lung aa lawm i rawltlun hram i ih awkah a kal. Cun din tein a ra i a ke cu a hlim i a it ve.