PHUNGCHIMTU 9:3 - Lai (Hakha) Common Language Bible 2006

³ Kan dihlak cungah thil pakhat a tlung ko i vawlei cung i a ummi thil vialte hna an hmaan lo tlukin ahmaan lomi thil a si ve. Mi cu an nun chung paoh ahcun an ruahnak cu ṭhat lonak le pakpalawng in a khat i hmakhatte ah an thi ko.

PHUNGCHIMTU 9:3 ပူးပေါင်းရင်းမြစ်များ

GENESIS 6:5

Bawipa nih minung cu khuazakip ah an ṭhat lo tuk hringhran le an lungchung cu ruahnak ṭhalo lawnglawng a khah kha a hmuh tikah,

GENESIS 8:21

Bawipa nih cu rim thaw cu a theih tikah, “Minung tuahmi ruangah vawlei cu zeitikhmanh ah chiat ka serh ṭhan ti lai lo; minung cu a no lio tein a ruahnak cu a ṭhalo ti kha ka hngalh. Atu i ka tuah bantuk hin zeitikhmanh ah thilnung vialte kha ka hrawk ṭhan ti hna lai lo.

JOB 15:16

Zeitindah fihnung a si i a thu a man i ṭhat lonak cu ti bangin a dingmi minung chinchin cu, a si khawh lai?

JOB 21:26

Leidip chungah bangrep in an it i cangcel nih an khuh hna.

JOB 9:22

Kan sual ah, kan thiam ah, zeihmanh aa dang lo, Pathian nih a kan hrawh ding a si ko.

SALM 51:5

Sual cia in hrin ka si, ka nu nih a ka pawi ah khan, misual ka si cang.

SALM 64:7

Sihmanhsehlaw Pathian nih a thal in a kah ciammam hna i chikkhatte ah khin hma an pu ko.

PHUNGTHLÛKBIA 14:32

Miṭhalo cu amah ṭhat lonak nih a thluk, sihmanhsehlaw miding cu a dinnak nih khan a huhphenh.

PHUNGCHIMTU 1:17

Cun fimnak le hruhnak, thil hngalhthiam khawh lonak le hngalh thiam khawhnak an i dannak hi hngalh kaa zuam hrimhrim lai, ka ti. Sihmanhsehlaw cucu ka caah thlitu dawi tluk ceo kha a rak si ko ti cu ka hngalh ṭhan.

PHUNGCHIMTU 12:7

Kan pum cu vawlei leidip ah a kir ṭhan lai i kan thaw cu a kan petu Pathian sinah a kir ṭhan lai.

PHUNGCHIMTU 2:14

Mifim nih cun khuazei ah dah kan kal ti kha an hmuh khawh, mihrut nih cun an hmu kho lo. Sihmanhsehlaw kan donghnak cu aa khat ṭhiamṭhiam ko lai ti kha ka hngalh ṭhan.

PHUNGCHIMTU 7:2

Mithi ṭahnak inn i va kal khi rawl danghnak inn i va kal nakin a ṭha deuh; zeicahtiah thihnak nih a kan hngah cio ko ti hi minung nih kan hngalh zungzal awk a si.

PHUNGCHIMTU 7:25

Sihmanhsehlaw hngalhnak le cawnnak ah khan ka pum kaa pe; fimnak kha hmuh awkah kaa zuam i ka biahalnak lehnak kha ka kawl; cun hruhnak a ṭhat loning le a hruhning kha hngalh awk kaa zuam.

PHUNGCHIMTU 8:11

Zeicahdah mi nih ṭhat lonak kha an tuah lengmang? Ṭhat lonak an tuahmi caah khan khulrang in dantatnak an in lo caah a si.

PHUNGCHIMTU 9:11

Vanrang tangah hin thil pakhat ka hngalhmi a um ṭhan hoi: tlik zuamnak ah hin khul a rangmi nih teinak an hmu zungzal lem lo i ralṭhami hi tuknak ah teitu an si zungzal lem lo. Mifim mi hi duhdim in an um zungzal lem lo i mifim mi hi mirum an si bal theng lo. Vanchiatnak hi mi zei cung paoh ah a tlung ko.

PHUNGCHIMTU 9:2

Zeihmanh aa dang hlei lo. Miding mi le miṭhalo mi cungah, miṭha mi le michia mi cungah, mithiang mi le mithianglo mi cungah, Pathian a biami hna le a bia lomi hna cungah, a tlungmi thil cu aa khat ṭhiamṭhiam ko. Miṭha kha misual mi nakin zeihmanh ṭhathnemnak an hmu hlei lo, chiat a ser lomi kha a sermi nakin zeihmanh ṭhathnemnak an hmu hlei lo.

PHUNGCHIMTU 9:4

Sihmanhsehlaw vawlei cung i a nung rihmi minung hna caah cun ruahchannak tlawmpal a um; uico nung cu chiandeih thi nakin a ṭha deuh.

JEREMIAH 16:12

Cun nannih hi nan pupa hna nak chia deuh in nan um i milungkhong, miṭhalo nan si i ka bia kha ngaih nan duh lo.

JEREMIAH 17:10

Bawipa nih minung ruahnak cu ka dah dih i an lungthin cu ka zet dih, An tuahnak nih a phut ningin le an ziaza ning cio in ka cham hna.

JEREMIAH 17:9

Lungthin hi zeizong vialte nakin a zer bik, Aho nih dah minung lungthin hi a hngalh khawh lai? Damh khawh ti lo tiangin a zaw cang.

LUKA 15:17

A donghnak ah cun a lung a hung fim i, ‘Ka Pa kuli vialte hmanh nih ei cawk loin ei awk an ngei, kei vial hika ah hin rawlṭam in ka thi cuahmah.

LUKA 6:11

Sihmanhsehlaw annih cu an thin a khenh hna i Jesuh hi zeitindah kan hrawh khawh lai ti kha an i ceih.

LAMKALTU 12:23

Herod nih Pathian kha upatnak a pek lo caah Bawipa vancungmi nih chikkhatte ah a vun tuk. Amah cu tholung nih an ei i a thi.

LAMKALTU 26:11

Pumhnak inn kip ah khan voi tampi hremnak ka inter hna i an zumhnak kha hlawtter kaa zuam hna. An cungah khan ka thin a hun tuk caah anmah hrem awkah cun ramdang khua hmanh ah ka fuh hna.

LAMKALTU 26:24

Cu bantukin Paul nih a sual lonak kong a chim lioah khan Festas nih cun a hei auh chih i, “Paul, na hrut cang! Na cawn sannak nih an hruhter cang,” tiah a hei ti.

TITAS 3:3

Zeitintiah kanmah hrimhrim zong kha kan rak hrut, nawl ngai loin khua kan rak sa i kan rak palh. Pumsa duhnak le nuamhnak sal kan rak si. Mi kha kan rak nahchuah hna i ziar kan rak ngeih hna; mi nih an rak kan huat i kannih zong nih kan rak huat hna.

2 PETER 2:16

sualnak a tuahmi ruangah cun mawhchiatnak a hmu. Holh a thiam lomi laa nih khan minung aw in bia a chim i profetpa cu a hruhnak kha a ngolter.