PHUNGCHIMTU 9:18 - Lai (Hakha) Common Language Bible 2006

¹⁸ Ral hriamnam nakin fimnak nih tam deuh a tuah khawh, sihmanhsehlaw palhnak pakhat nih ṭhatnak tampi kha a hrawh khawh.

PHUNGCHIMTU 9:18 ပူးပေါင်းရင်းမြစ်များ

2 SIANGPAHRANG 21:2

Bawipa nih Israel mi hna hmai in a ṭhawlmi hna miphun hna nih an tuahmi fihnung phunglam ning khan, amah nih Bawipa mithmuh ah ṭhat lonak kha a tuah.

JOB 35:8

Na ṭhat lonak nih cun nangmah bantuk mi lawng hi pei a tongh khawh ko hna cu, Na dinnak zong nih mi fapa hna lawng hi pei a ṭhathnem khawh ko hna cu.

PHUNGCHIMTU 10:1

Tho thi nih zihmui cu a thawl ning piin a thutter khawh, Cu bantukin hruhnak hmete nih fimnak ngan bik kha a hrawh khawh.

PHUNGCHIMTU 10:10

Na hreitlung cu a hnawl i na tat lo ahcun Tha tam deuh chuah na hau lai. A hlankan in rak i timhtuah hi a ṭha deuh.

PHUNGCHIMTU 2:13

Fimnak cu hruhnak nakin a ṭha deuh ti cu ka hngalh, ceunak cu muihnak nakin a ṭhat deuh bantukin.

PHUNGCHIMTU 7:12

Zeicahtiah fimnak nih cun tangka tlukin lung hnangamnak a pek khawh i hngalhnak nih ṭhatnak a pek khawhmi cu hihi a si: hngalhnak a ngeimi nih cun fimnak a hmuh i fimnak nih cun him tein a umter.

PHUNGCHIMTU 7:19

Uktu pahra nih khua pakhat caah ṭhatnak an tuahmi nakin fimnak nih minung pakhat caah a tuahmi cu a tam deuh.

PHUNGCHIMTU 9:16

Kei nih cun fimnak cu ṭhawnnak nakin a ṭha deuh, ka ti, sihmanhsehlaw kha misifak pate kha ahohmanh nih a ruah in an ruat lo i a chimmi kha zei ah an rel lo.

2TIMOTE 3:8

Jannes le Jambres nih Moses an rak doh bantuk khan hi mi hna hi biatak a dotu an si; annih cu an ruahnak ṭha tein rian a ṭuan ti lomi, zumhnak lei i zeihmanh a si ti lomi an si.

JOSHUA 22:20

Pekchanhmi thil kongah khan Zerah fapa Akhan cu zumhawktlak loin a um i Israel mibu dihlak cungah thinhunnak a tla a si lo mei? Cun a ṭhat lonak ruangah amah lawng kha a thi lo,’ an ti,” tiah an ti.

JOSHUA 7:1

Sihmanhsehlaw pekchanhmi thil kongah cun Israel mi cu zumhawktlak loin an um ai; zeitintiah Judah phun chungmi Zerah fapa Zabdi fapa Karmi fapa Akhan nih pekchanhmi thil cu tlawmpal a lak i Bawipa thinhunnak cu Israel mi cungah a alh.

JOSHUA 7:5

cun Ai khuami nih sawm thum le paruk tluk an rak thah hna i kutka hmailei ah Shebarim tiangin an dawi hna i zuanchuknak ah khan an thah hna. Cun mi zapi cu an thin a phang i ti bantuk an si.

1 SAMUEL 14:30

Mi hna nih hin, an ral hna hranchaw an hmuhmi hi, nihin ah hin heh tiah ei ko hna seh law, zeitluk in dik a hei ṭhat deuh hnga; cucaah cun pei Filistin mi hi tampi kan thah khawh hna lo hi,” tiah a ti.