PHUNGCHIMTU 9:16 - Lai (Hakha) Common Language Bible 2006

¹⁶ Kei nih cun fimnak cu ṭhawnnak nakin a ṭha deuh, ka ti, sihmanhsehlaw kha misifak pate kha ahohmanh nih a ruah in an ruat lo i a chimmi kha zei ah an rel lo.

PHUNGCHIMTU 9:16 ပူးပေါင်းရင်းမြစ်များ

PHUNGTHLÛKBIA 10:15

Mirum hna an ralhruang cu an chawva a si, misifak hna an rawhnak cu an sifahnak hi a si.

PHUNGTHLÛKBIA 21:22

A fimmi ralbawi nih cun miṭhawng hna khuapi kha a lak khawh i An i bochanmi ralhruang kha a chimh khawh.

PHUNGTHLÛKBIA 24:5

Mifim cu miṭhawng nakin a ṭhawng deuh, hngalhnak a ngeimi cu thazang a ngeimi nakin a ṭhawng deuh;

PHUNGTHLÛKBIA 8:14

Hngalhthiamnak le ṭhawnnak zong keimah ta an si.

PHUNGCHIMTU 10:10

Na hreitlung cu a hnawl i na tat lo ahcun Tha tam deuh chuah na hau lai. A hlankan in rak i timhtuah hi a ṭha deuh.

PHUNGCHIMTU 7:12

Zeicahtiah fimnak nih cun tangka tlukin lung hnangamnak a pek khawh i hngalhnak nih ṭhatnak a pek khawhmi cu hihi a si: hngalhnak a ngeimi nih cun fimnak a hmuh i fimnak nih cun him tein a umter.

PHUNGCHIMTU 7:19

Uktu pahra nih khua pakhat caah ṭhatnak an tuahmi nakin fimnak nih minung pakhat caah a tuahmi cu a tam deuh.

PHUNGCHIMTU 9:18

Ral hriamnam nakin fimnak nih tam deuh a tuah khawh, sihmanhsehlaw palhnak pakhat nih ṭhatnak tampi kha a hrawh khawh.