PHUNGCHIMTU 9:12 - Lai (Hakha) Common Language Bible 2006

¹² Zeitik ah dah na caan a rat ve lai kha na hngal lo. Kannih cu rap nih a foihmi va bantuk le sur ah aa awhmi nga bantuk kan si. Kan i ruah lopi ah khin caan ṭhalo chungah khan kan i foih tawn ko.

PHUNGCHIMTU 9:12 ပူးပေါင်းရင်းမြစ်များ

SALM 11:6

Miṭhalo cungah meiṭil le kaat kha a surter; a alhmi mei in dan a tat hna.

PHUNGTHLÛKBIA 24:22

Zeicahtiah cu bantuk mi hna cu chikkhatte ah an rawk kho i Annih nih zei bantuk rawhnak dah an chuahter lai kha aho nih dah a hngalh lai.

PHUNGTHLÛKBIA 29:6

Miṭhalo cu amah sualnak nih khan a foih, Sihmanhsehlaw miding cu an i lawm i an luat.

PHUNGTHLÛKBIA 6:15

Cucaah chikkhatte ah ṭhat lonak nih a tlunhnawh hna lai i damter khawh ti loin an rawk lai.

PHUNGCHIMTU 3:19

A ngaingai ti ahcun, minung le saram hi kan donghnak aa khat ko. Saram cu minung bantukin a thi i minung zong cu saram bantukin a thi ve ko. An pahnih in nunnak thaw a ngeimi an si. Nunnak hi minung caah siseh, saram caah siseh, sullam a ngeih lo caah minung hi saram nakin zeihmanh a si hlei lo.

PHUNGCHIMTU 8:11

Zeicahdah mi nih ṭhat lonak kha an tuah lengmang? Ṭhat lonak an tuahmi caah khan khulrang in dantatnak an in lo caah a si.

PHUNGCHIMTU 8:8

Ahohmanh thi loin a um kho lai lo, a thih ni zong kha a thawn kho pek fawn lai lo. Raltuknak a tlun tikah cun luatnak a um lo, lihchim in kan luat kho lai lo.

PHUNGCHIMTU 9:13

Thil ka hmuhmi a dang a um rih, cucu fimnak hi vawlei cungah hin zeitindah ruah a si, ti tahchunhnak ṭha ngai a si:

ISAIAH 24:18

Thil ṭihnung kha zamtak aa zuammi cu khor chungah an tla lai, khor chungin a luatmi cu rap ah an i foih lai. Van in ruah bawnbok ngaw in a sur lai i vawlei hram cu aa hnin lai.

ISAIAH 30:13

Nan sual hrimhrim ko. Nannih cu a tung in a kuaimi vampang sangpi bantuk nan si; chikkhatte ah nan tlu te lai.

EZEKIEL 32:3

Mah hihi Bawipa Pathian bia an si: Miphun tampi kha an i pumh tikah ka sur in kan khuh lai i a awng ah khan naa foih lai.

HOSEA 7:12

Khuazei lei i an i mer hmanh ah ka sur in ka khuh hna lai i A zuang liomi vaa tlaih bantukin ka tlaih hna lai; An i pum ti ka theih cangka, sal ah ka tlaih hna lai.

HOSEA 9:8

Pathian nih a mi Israel mi hna kha ralrinnak bia chimh awkah keimah cu profet in a ka kalter, Sihmanhsehlaw ka kalnak kip ah va bantukin foih kha nan ka zuam. Pathian ram chung hrimhrim ah hin mi kha profet i a rel hna cu an si.

LUKA 12:20

Sihmanhsehlaw Pathian nih a thawh i, ‘Mihrutpa, tuzan hrimhrim ah hin na nunnak cu an in lakpiak a hau lai; cucaah nangmah ca i na khonmi thilri vialte hi aho nih dah a co kun lai?’ a ti,” tiah a ti.

LUKA 12:39

Cun nannih nih hihi i cinken u: Inn ngeitu nih mifir a rat lai caan kha a hngalh ahcun mifir kha a inn cu a bauhter lai lo.

2 KORIN 6:2

Pathian nih, “Nanmah cu zaangfah kan duh hna caah kha caan ah khan nan bia cu ka rak in theihpiak hna i Khamh kan duh hna caah kha ni ah khan ka rak in bawmh hna,” tiah a rak chim. Ngaihmanh u! Pathian zaangfahnak hmuh caan cu atu hi a si i khamhnak hmuh ni cu nihin hi a si!

1THESALON 5:3

Mi nih, zeizong vialte a dai dih ko i a him dih ko, an ti liote ah khin rawhnak nih cun a den hna lai. An luat kho lai lo — nu cungah a tlungmi nau nganfah bantuk khi a si lai.

2TIMOTE 2:26

Cun an lung a hung fim lai i amah duhnak tuah awkah a foih i sal ah a hrengtu hna Khuachia rap khan an luat lai.

1 PETER 2:12

Nan ziaza kha lawkihmi hmanh nih a ṭha an timi si seh law, atu ah cun miṭhalo tiah an in ti ko hna lai nain, nuncan ṭha in nan nun kha anmah hrimhrim nih an hmuh lai i Pathian cu mi vialte biaceih awk i a rat Ni ah cun an thangṭhat lai.

2 PETER 2:12

Asinain hi hna cu, hei tlaih i hei thah awk men a simi saram bantukin, chuahpimi pumsa duhnak men in thil a timi an si; an hngalh lomi thil kha zeirello in an um hna. Annih cu saram bantukin thah an si lai;