PHUNGCHIMTU 9:11 - Lai (Hakha) Common Language Bible 2006

¹¹ Vanrang tangah hin thil pakhat ka hngalhmi a um ṭhan hoi: tlik zuamnak ah hin khul a rangmi nih teinak an hmu zungzal lem lo i ralṭhami hi tuknak ah teitu an si zungzal lem lo. Mifim mi hi duhdim in an um zungzal lem lo i mifim mi hi mirum an si bal theng lo. Vanchiatnak hi mi zei cung paoh ah a tlung ko.

PHUNGCHIMTU 9:11 ပူးပေါင်းရင်းမြစ်များ

2 SAMUEL 17:14

Cun Absalom le Israel mi vialte nih cun, “Hushai ruahnak cheuhmi cu Ahithophel ruahnak cheuhmi nakin a ṭha deuh,” tiah an ti. Zeitintiah Bawipa nih Absalom cungah ṭhat lonak a tlunter nakhnga, Bawipa nih Ahithophel cheuhmi ruahnak ṭha cu sunghter awkah a rak ruah cia cang.

2 SAMUEL 17:23

Ahithophel nih a ruahnak chuahmi kha an zul lo ti a hmuh tikah, a laa kha a danh i inn leiah a khua ah a tlung. Cun a innchungkhar khuasak ding ning kha a ningcang tein a tuahpiak tak hna i amah le amah cu aa awk; cun a thi i a pa thlan ah khan an vui.

2 CHANRELNAK 20:15

Cun anih nih a thawh i, “Judah mi vialte le Jerusalem mi hna le Siangpahrang Jehoshafat hna, thei tuah u: Bawipa nih hi bangin nan sinah, ‘Hi mibu nganpi ruangah nan thinphang in nan lung dong hlah u; zeicahtiah hi raldohnak cu nanmah ta a si lo, Pathian i a si.

JOB 34:29

Dai tein a um zongah aho nih dah sual an phawt khawh lai? A hmai kha a thuh tikah aho nih dah an mawhchiat khawh lai? Lung a khongmi miphun le a mi vialte hna cungah, Pathian zei i a rel lomi siangpahrang kha an bawi i a ser bel ah zeitindik a si hnga?

SALM 76:5

An ralkap ralṭha pawl cu an hranchaw kha na chuh hna i atu cu thihnak hngilh in an i hngilh cang; an hriamnam a run hmangtu dingah a tangmi pakhat hmanh an um lo.

PHUNGTHLÛKBIA 1:5

Cun mifim zong nih an ngaih ahcun an fimnak a ṭhang lai i Hngalhthiamnak a ngeimi nih thiamnak an hmuh chin lai i

PHUNGCHIMTU 2:12

A ngaingai ti ahcun, siangpahrang nih a tuah khawhmi hi amah hlan i a rak ummi siangpahrang hna nih an tuahmi kha an si ko ee. Cucaah fim ti le ralrin lo ti le hruh ti hna hi an sullam zeidah an si ti kha ka ruat ṭhan.

PHUNGCHIMTU 3:14

Pathian nih a tuahmi paoh cu zungzal in a hmun ti kha ka hngalh; zeihmanh chap khawh an si lo i zeihmanh zuh khawh zong an si lo; minung nih a hmaiah ṭihnak a ngeih nakhnga Pathian nih cu bantuk cun a tuah.

PHUNGCHIMTU 3:17

Ka lung chungin Pathian nih miding le miṭhalo cu aa khat rep in bia a ceih ko hna lai, zeicahtiah kan hmailei vawlei zong hmanh ah khin zeizong vialte hi anmahle an caan te cio ah an tling cio ko lai, ka ti.

PHUNGCHIMTU 4:1

Cun hi vawlei cung i a um lengmangmi dinlonak hi ka zoh ṭhan. Hremmi hna cu an ṭap lengmang, sihmanhsehlaw ahohmanh nih an bawm hna lo. Anmah a hremtu hna kha thil ti khawhnak a ngeimi cu an si caah ahohmanh nih an bawm duh hna lo.

PHUNGCHIMTU 4:4

Zeicahdah minung nih hin tlamtlinnak ding caah fak piin rian a ṭuan ti zong kha ka hngalh cang: hawi nakin tam deuh ngeih an duh caah a si. Cucu pakpalawng a si ko, thlitu dawi men kha a si ko.

PHUNGCHIMTU 7:13

Pathian rianṭuanmi hi va ruat tuah, a kawiter cangmi cu aho nih dah a dinter khawh lai?

PHUNGCHIMTU 9:2

Zeihmanh aa dang hlei lo. Miding mi le miṭhalo mi cungah, miṭha mi le michia mi cungah, mithiang mi le mithianglo mi cungah, Pathian a biami hna le a bia lomi hna cungah, a tlungmi thil cu aa khat ṭhiamṭhiam ko. Miṭha kha misual mi nakin zeihmanh ṭhathnemnak an hmu hlei lo, chiat a ser lomi kha a sermi nakin zeihmanh ṭhathnemnak an hmu hlei lo.

PHUNGCHIMTU 9:3

Kan dihlak cungah thil pakhat a tlung ko i vawlei cung i a ummi thil vialte hna an hmaan lo tlukin ahmaan lomi thil a si ve. Mi cu an nun chung paoh ahcun an ruahnak cu ṭhat lonak le pakpalawng in a khat i hmakhatte ah an thi ko.

JEREMIAH 46:6

Khulrangmi kha an luat kho maw? Ralkap zong kha an i khamh kho maw? Chaklei ah Zufrates tiva kamah an ril i an tlu.

JEREMIAH 48:14

“Moab mi hna, zeitindah nannih nih, Kannih cu ralṭha le ralkap ṭhawng kan si,” nan ti khawh?

JEREMIAH 9:23

Hi bangin Bawipa nih a ti: “Mifim nih a fimnak kha i porhlaw hlah seh, miṭhawng nih a thazang kha i porhlaw hlah seh, mirum nih a rumnak kha i porhlaw hlah seh;

DANIEL 4:35

Vawlei cung i a ummi vialte hna cu zeihmanh ah rel awk tlak an si lo i Van ralkapbu hna cu a duhduh in a tuah hna; Amah cu ahohmanh nih an tlai kho lo i a tuahmi kha zeidah a si tiah ahohmanh nih an hal kho lo.

ZEKHARIAH 4:6

Vancungmi nih cun Zerubbabel kha hi bia Bawipa sinin a rami hi va chimh awk a ka fial: Na tei ko lai, sihmanhsehlaw ralkap ṭhawnnak in a si lai lo, nangmah ṭhawnnak zongin a si lai lo, ka thlarau tu in a si lai.

MALAKHI 3:18

Miṭha kha miṭhalo sinin nan thleidan khawh ṭhan hna lai i Pathian rian a ṭuanmi kha a ṭuan lomi sinin nan thleidan khawh ṭhan hna lai.

EFESA 1:11

Zeizong vialte hi Pathian khuakhanning le tinhning in an kal ko; Khrih he kan i pehtlaihnak thawngin Pathian nih amah mi si ding i a kan thim cu amah nih a rak i tinhmi a si ko i a hramthawk tein tuah awkah a rak i khiah ciami a si.

DEUTERONOMI 8:17

Nan lung chungin, ‘Keimah ṭhawnnak le ka kut thazang nih hi chawva hi an ka pek,’ tiah nan ti sual nakhnga lo, i ralring tuah u.

DEUTERONOMI 8:18

Nan pupa hna sinah chiatser in a tuahmi biakamnak, atu ah a fek rihmi kha, tlinter awkah, chawva hmuh khawhnak ṭhawnnak an petu hna cu Bawipa nan Pathian kha a si tiah i cinken ko u.

1 SAMUEL 17:50

Cuticun David nih Filistin mipa kha, lungherhchehnak le lung pakhat in a tei i, Filistin mipa kha a khen i a thah; David nih nam aa ken lo.

1 SAMUEL 6:9

Cun zoh tuah u, amah ram lei i a hung kalmi Beth-shemesh lei i a kalmi lam kha a hun zulh ahcun, kannih cungah hi harnak nganpi a tuahtu hi amah a si; sihmanhsehlaw cu ti a si lo ahcun, a kan tutu cu amah kut a si lo, kan cungah a tlung sual i a si ko, ti kha kan hngalh lai,” an ti.