PHUNGCHIMTU 9:10 - Lai (Hakha) Common Language Bible 2006

¹⁰ Na tuahmi cu a ṭhat khawh chungin tuah, zeicah tiah Sheol ah cun rian siseh, ruahnak siseh, hngalhnak siseh, fimnak siseh a um ti lo i cuka cu na kalnak ding hmun cu a si.

PHUNGCHIMTU 9:10 ပူးပေါင်းရင်းမြစ်များ

GENESIS 37:35

A fapa vialte le a fanu vialte hna nih khan hnemh an i zuam, sihmanhsehlaw an hnemhnak kha duh loin a thawh hna i, “Mithi khua Sheol ah ka fapa zunngai in kal ko ning,” a ti hna.

1 CHANRELNAK 22:19

Atu cu Bawipa nan Pathian kha nan ruahnak le nan lungthin in biatak tein kawl tuah u. Bawipa biakamnak kuang le Pathian umkheng thiang hna cu Bawipa min ca i sakmi inn chungah khan luhpi an si nakhnga, tho u law Bawipa Pathian i hmunthiang cu sa tuah u,” tiah a ti hna.

1 CHANRELNAK 28:20

Khi tikah David nih a fapa Solomon cu a thawh i, “Ṭhawng ngai le ralṭha ngaiin um law ṭuan tuah. Ṭih hlah, na lung dong hlah; zeicahtiah Bawipa Pathian, keimah i ka Pathian hrimhrim cu na sinah a um. Bawipa inn chung rianṭuannak ca i rian vialte cu lim a si hlantiang amah nih cun an deuh lai lo i an hlaw fawn lai lo.

NEHEMIAH 2:12

Cun zan ah keimah sin i a ummi mi tlawmpal he khan ka tho; sihmanhsehlaw Jerusalem khua ca i tuah awkah Pathian nih ka lung chungah a chuahtermi tu cu ahohmanh ka chim hna lo. Kaa citmi saṭil dah ti lo cu ka sinah saṭil zeihmanh an um lo.

NEHEMIAH 4:2

A unau hna le Samaria ralkapbu hna um hngan ah khan aa thawh i, “Hi Judah mi santlailo rual nih hin zei kan tuah an hei ti hnga dah? Thil kha an remh ṭhan hna lai maw? Raithawinak kha an tuah lai maw? Ni khat ah an lim hnga maw? Hnawmpon chung lung, khangh ciami lung hna kha an nunter ṭhan hna hnga maw?” tiah a ti.

NEHEMIAH 4:6

Cuticun vampang cu a dihlak in a sanlei a canceo tiang cu aa tlai thliahmah in kan remh hna, hihi cu zeitindah a si khawh ti ah cun mi nih khan rian ṭuan duhnak lungthin an ngeih caah a si.

JOB 10:22

Cu ram cu thihnak thladem umnak le zeizong vialte sullam ngei lo i an umnak hmun, Ceunak cu muihnak a sinak hmun a si, ka ti lai,” tiah a ti.

JOB 21:13

Rumnak in an chan cu an hman i daihnak in Sheol ah cun an vung kal.

SALM 6:5

Mithi khua ah ahohmanh nih an in hngal lo, Sheol ah ahohmanh nih an in thangṭhat kho lo.

PHUNGTHLÛKBIA 3:28

Nangmah sinah naa chiah ko nain, “Va kal law ra ṭhan te, thaizing ah kan pek lai,” tiah na hawi kha ti hna hlah.

PHUNGCHIMTU 11:3

Khuadawm cu ruahti in a khah tikah vawlei cungah a rung sur, Thingkung cu khuazeilei hoih paoh hmanh in tlu hmanh seh law a tluknak ah khan a ril ko.

PHUNGCHIMTU 11:6

Zinglei ah thlaici tuh ko, zanlei zongah ngol hlah; zeicahtiah an dihlak in an ṭhat lai le an ṭhat lai lo kha na hngal lo i a zei kha dah a ṭha deuh lai ti zong kha na hngal lo.

ISAIAH 38:10

Ka nunnak hi chantling tein nun thlu loin Ka chan lailing ah mithi khua ah ka kal rua lai tiah ka rak ruah.

JEREMIAH 29:13

Nan ka kawl tikah nan ka hmuh lai; nannih nih nan lung dihlak in nan ka kawl tikah

NAMBAR 13:30

Sihmanhsehlaw Kaleb nih mizapi cu Moses hmaiah a daihter hna i, “Khulrang in hung kal u sih law, hung umhnawh u sih; zeitintiah ṭha tein kan tei khawh ko lai,” tiah a ti.

MATTHAI 20:7

‘Ahohmanh nih rian an kan fial duh lo caah a si,’ tiah an leh. ‘A si ahcun, nannih zong ka dum ah va kal u law rian va ṭuan u,’ tiah a ti hna.

MATTHAI 6:33

Cucaah zei dang vialte nakin Pathian Pennak le zeidah tuah hna seh ti a kan duh timi kha biapi deuh in ruat u law thil dang vialte hna zong hi an pek ṭhiamṭhiam ko hna lai.

JOHAN 4:34

Jesuh nih cun a thawh hna i, “Ka rawl cu a ka thlahtu duhnak zulh le a ka fialmi rian liim kha a si.

JOHAN 5:4

A zei maw caan ah Bawipa vancungmi kha a vung ṭum tawn i ti cu a vung cangh tawn. Ti a cangh tikah aa paih hmasa bik paoh cu an zawtnak khan an dam tawn, cucaah cun cu mizaw hna cu ti cangh cu an hngak ko.)

JOHAN 9:4

Chun a si chung cu a ka thlahtu rian kha kan ṭuan zungzal awk a si; ahohmanh nih an ṭuan khawh lo caan, zan caan kha a ra lio.

ROM 12:11

Fak piin rian ṭuan u, nan thathu hlah u. Bawipa cu nan lungthin taktak tein a rian ṭuan u.

1 KORIN 15:10

Sihmanhsehlaw Pathian vel thawngin atu i ka sining hi ka si, cun ka cung i vel a ka ngeihmi cu alak ka siter ve lo. Lamkaltu a dang hna nakkhan fak deuh in rian ka ṭuan, asinain a ngaingai ti ahcun keimah nih ka ṭuan ti awk a si lo, Pathian vel ka chung i rian a ṭuanmi ṭuannak tu kha a si deuh.

1 KORIN 16:10

Timote kha nanmah lei i a rat sual ahcun ṭha tein rak conglawmh u, amah cu keimah bantukin Bawipa ca i rian a ṭuanmi a si.

1 KORIN 9:24

Tlik zuamnak ah an dihlak in tlik cu an i zuam nain laksawng a hmumi cu pakhat lawng a si ti kha nan hngalh. Cucaah laksawng hmu ding tein tli u.

1 KORIN 9:26

Kei cu ka tlik tikah tinhmi kawl fiang tein ka ngei; kaa thongh tikah a ping a pang a thongmi bantuk ka si lo.

EFESA 5:16

Atu kan nikhua hi caan chia a si caah, caan ṭha nan hmuhmi paohpaoh kha ṭha tein hman i zuam u.

KOLOSE 3:23

Zei thil nan tuah paoh ah, minung caah si loin Bawipa caah ka ṭuan ti lungput ngei in, nan lungthin dihlak in ṭuan u.

1 SAMUEL 10:7

Cun hi hmelchunhnak hi na ton hna tikah, thil umtuning nih a serning paoh in va tuah ko, zeitintiah Pathian cu na sinah a um.