PHUNGCHIMTU 8:9 - Lai (Hakha) Common Language Bible 2006

⁹ Hi vawlei cung i thil umkalning ka zoh lengmang tikah hin hi vialte hi ka hmuhmi an si: hi vawlei hi mi a cheukhat nih ṭhawnnak an ngeihnak hmun a si i a cheukhat nih an ṭang i hremnak an innak hmun a si kha ka hngalh.

PHUNGCHIMTU 8:9 ပူးပေါင်းရင်းမြစ်များ

2 SIANGPAHRANG 25:7

Zedekiah fapale cu a hmaika hrimhrim ah khan an thah hna i Zedekiah cu a mit an khoih i hreng an khenh i Babilon ah an kalpi.

EXODUS 14:28

Ti cu a kir i Israel mi a dawitu vialte hna, rangleng vialte hna le a mawngtu vialte hna le Faro ralkapbu vialte hna kha a phum dih hna, pakhat hmanh an tang lo.

PHUNGCHIMTU 1:14

Vawlei cung i an tuahmi thil vialte hi ka hmuh dih, an dihlak in pakpalawng men a si ko, thlitu dawi bantuk men khi an si ko.

PHUNGCHIMTU 3:10

Pathian nih kan cung i a kan khinhmi rian cu ka hngalh cang.

PHUNGCHIMTU 3:16

Cuhleiah vanrang tangah hin ṭhat lonak nih dinnak le a hmaanmi thil kha an hmun a rolh lengmang hna ti kha ka hmuh.

PHUNGCHIMTU 4:1

Cun hi vawlei cung i a um lengmangmi dinlonak hi ka zoh ṭhan. Hremmi hna cu an ṭap lengmang, sihmanhsehlaw ahohmanh nih an bawm hna lo. Anmah a hremtu hna kha thil ti khawhnak a ngeimi cu an si caah ahohmanh nih an bawm duh hna lo.

PHUNGCHIMTU 5:13

Mah hihi thil ṭhalo ngai a si, sihmanhsehlaw vawlei cungah hin ka hmuh cangmi a si: mi nih hin an tangka hi an herh caan caah an khon tawn,

PHUNGCHIMTU 5:7

Mang cu manh len ko, cun na tuahmi rian zong cu pakpalawng si koin na chimmi bia cu tam ko hna hmanh seh law Pathian cu na ṭih ṭhiamṭhiam awk a si.

PHUNGCHIMTU 5:8

Acozah pakhatkhat nih misifak kha an hrem hna i dinnak le an hmuh awk a simi kha an pe hna lo, ti na hmuh tikah na khuaruahhar hlah; bawi paohpaoh cu an cung i a ummi bawi cio nih khan an huhphenh hna i cu hna zong cu anmah nakin a sang chin deuhmi bawi nih khan an huhphenh chin ve hna.

PHUNGCHIMTU 7:25

Sihmanhsehlaw hngalhnak le cawnnak ah khan ka pum kaa pe; fimnak kha hmuh awkah kaa zuam i ka biahalnak lehnak kha ka kawl; cun hruhnak a ṭhat loning le a hruhning kha hngalh awk kaa zuam.

PHUNGCHIMTU 7:7

Mifim mi nih midang pakhatkhat a hlen hna ahcun, mihrut bantukin rian a ṭuan a si. Nawhthuh nih lungthin a ṭhutter.

DEUTERONOMI 2:30

Sihmanhsehlaw Heshbon siangpahrang Sihon nih cun a ram chung cun a kan lanhter duh lo; nihin ni i a si bang hin amah cu nan kut chungah an pek hna nakhnga, Bawipa nan Pathian nih a thlarau kha a hahter i a lung kha a khonter caah a si.