PHUNGCHIMTU 8:4 - Lai (Hakha) Common Language Bible 2006

⁴ Siangpahrang bia cu a sang bik a si i aho nih dah amah cu, “Zeidah na tuah?” an ti khawh lai?

PHUNGCHIMTU 8:4 ပူးပေါင်းရင်းမြစ်များ

2 SAMUEL 24:4

Sihmanhsehlaw siangpahrang bia nih cun Joab le ralkapbu haotu hna cu a tei hna. Cucaah Joab le ralkapbu haotu hna cu mi kha rel awkah siangpahrang hmaika khan an chuak.

1 SIANGPAHRANG 1:30

Bawipa, Israel Pathian min chalh in na sinah chiat ka ser i, ‘Ka hnuah na fapa Solomon cu a rung bawi lai i keimah hmun ah amah cu ka bawi ṭhutdan cungah a ṭhu lai,’ tiin ka ti bantuk khan, cu bantuk ṭhiamṭhiam cun nihin zongah hin ka tuah lai,” tiah a ti.

1 SIANGPAHRANG 2:25

Cucaah Solomon Siangpahrang nih Jehoiada fapa Benaiah kha a hei thlah; cun amah nih cun a tuk i a thi.

1 SIANGPAHRANG 2:46

Cun siangpahrang nih Jehoiada fapa Benaiah cu nawl a pek i a va kal i a tuk i a thi. Cucaah pennak cu Solomon kut chungah fehter a si.

EZRA 6:13

Khi tikah Darius siangpahrang nih bia a kuat hna ningin, Tattenai, Tiva Ral ram uktu bawi, Shethar-bozenai le an hawikom hna nih Darius siangpahrang nawl pekmi cu fel tein an tuah.

JOB 9:12

Amah nih cun a lak ko, aho nih dah an dawnh khawh lai? Aho nih dah, ‘Zeidah na tuah?’ an ti lai?

EXODUS 1:18

Siangpahrang nih khan sayamah cu a kawh hna i, “Zeicahdah hi bantukin nan tuah i pa ngakchia kha nan nunh hna?” a ti.

PHUNGTHLÛKBIA 19:12

Siangpahrang thinhunnak cu chiandeih ngur bantuk a si, Sihmanhsehlaw a duhdawtnak cu ram cung i a tlami dap bantuk a si.

PHUNGTHLÛKBIA 20:2

A thin a hungmi siangpahrang cu a ngur hluahmahmi chiandeih bantukin ṭih tuah, amah a thin hunter cu mah le mah i thah a si ko;

PHUNGTHLÛKBIA 30:31

I zum ngaiin aa chawkmi arhli, mehehtum le a mi hna hmai i aa chawkmi siangpahrang.

DANIEL 3:15

Nannih nih muko thawng le tingtang thawng le tummi a phunphun le hlasak thawng kha nan theih tikah, kan bawk lai i na phunmi milem cu kan biak lai, nan ti ahcun a ṭha ko lai. Sihmanhsehlaw nan biak lo ahcun, a alh hluahmahmi meiphu chungah nannih cu paih nan si colh ko lai; ka ṭhawnnak chungin an chuah khotu hna zei pathian tal a um lai, tiah nan ruat maw?” tiah a ti.

DANIEL 4:35

Vawlei cung i a ummi vialte hna cu zeihmanh ah rel awk tlak an si lo i Van ralkapbu hna cu a duhduh in a tuah hna; Amah cu ahohmanh nih an tlai kho lo i a tuahmi kha zeidah a si tiah ahohmanh nih an hal kho lo.

ROM 9:20

Sihmanhsehlaw ka kawi, nangmah cu Pathian bia a let lakmaktu dingah ahodah na si? Tlak um nih a sertu cu, “Zeicahdah hi bantuk hin na rak ka ser,” tiah a hal lo.