PHUNGCHIMTU 7:9 - Lai (Hakha) Common Language Bible 2006

⁹ Na thin i sum khawh kha i zuam, lungchung in mi uam peng hi hruh a si.

PHUNGCHIMTU 7:9 ပူးပေါင်းရင်းမြစ်များ

GENESIS 4:8

Cun Kain nih a nau Abel kha a thawh i, “I chawk tuah u sih,” a ti. Lo an va phak tikah khan Kain nih a nau cu a thah.

2 SAMUEL 13:22

Sihmanhsehlaw Absalom nih Amnon sinah khan bia ṭha siseh, bia chia siseh, zeihmanh a chim lo, zeitintiah Amnon nih a farnu Tamar kha hramhram in a sual caah Absalom nih Amnon kha a huat.

2 SAMUEL 13:28

Cun Absalom nih khan a sinum hna cu nawl a pek hna i, “Amnon kha zu nih a lung a lawmhter tikah, i chingchiah u law, ‘Amnon kha tu u,’ kan ti hna tikah that u. Ṭih hlah u, keimah nih nawl kan pek hna a si lo mei? Nan ral ṭha u law nan lung ṭhawng ko u,” tiah a ti.

2 SAMUEL 13:32

Sihmanhsehlaw David cu Shimeah fapa Jonadab nih khan a thawh i, “Sihmanhsehlaw fapa tlangval vialte kha an thah dih hna tiin ka bawipa nih ruat hlah seh, zeitintiah Amnon lawnglawng kha a thimi cu a si; zeicahtiah a farnu Tamar hramhram in a sual ni thawk khan, hi thil hi Absalom nawl peknak bangin ruah chih a si diam cang.

2 SAMUEL 19:43

Cun Israel mi nih Judah mi cu an leh hna i, “Siangpahrang chungah hin vo hra pei kan ngeih tiah, cun David chung zongah hin nanmah nakin tam deuh kan ngei. A si kun ahcun, zeicahdah nan kan zawmhtaih? Kan siangpahrang cu tlunpi ṭhan u si tiah a ti hmasa biktu cu kanmah kan si lo maw?” tiah an ti. Sihmanhsehlaw Judah mi hna bia cu Israel mi hna bia nakin a hrang deuh.

PHUNGTHLÛKBIA 14:17

Mi thin tawi nih cun thil hrut kha an tuah tawn, sihmanhsehlaw mifim deuhmi cu an lung a sau.

PHUNGTHLÛKBIA 14:29

Dai tein a um khomi cu mifim a si, sihmanhsehlaw mithintawi nih cun zeitluk in dah a hruh ti lawng kha a langhter.

PHUNGTHLÛKBIA 16:32

Thinhun leiah a khul a nuarmi cu thazang a ṭhawngmi nakin a ṭha deuh. A lungthin aa uk khomi cu khuapi a latu nakin a ṭha deuh.

PHUNGTHLÛKBIA 25:8

Na mit nih a hmuhmi kha khulrang in zung ah chuahpi hlah, Zeicahtiah tehte dang nih na palhnak kha a hnuah a langhter khawh ahcun zeitindah na um lai?

PHUNGCHIMTU 7:10

“Zeicahdah hlan lioah khan atu nak hin thil kha a rak ṭhat deuh?” ti hlah, cucu fimnak biahalnak a si lo.

JONAH 4:3

Cucaah cun atu cu ka that ko. Ka caah hin nun nakin thih a ṭha deuh,” tiah a ti.

JONAH 4:8

Cun ni a hung chuah tikah nichuahlei thli lin kha Pathian nih a hranter i Jonah cu ni nih a lukheng in a vun emh caah a thi dengmang. Cucaah thihnak caah khan thla a cam i, “Ka caah hin nun nakin thih a ṭha deuh,” a ti.

JONAH 4:9

Sihmanhsehlaw Pathian nih a thawh i, “Umruang kong ah khan cu ti lawmmam cun maw na thin a hun ko?” tiah a ti. Cun anih nih, “Ka thin a hun tuk ah pei ka thih deng leh hi,” tiah a leh.

MARKA 6:19

cucaah cun Herodias nih khan Johan cu a lung chung tein a uam ziar i thah a duh; sihmanhsehlaw Herod nih a dawnh caah a that kho lo.

MARKA 6:24

Cucaah ngakchianu cu a chuak i a nu kha, “Zeidah ka hal lai?” tiah a va hal. A nu nih cun, “Tipil petu Johan lu,” tiah a leh.

JEIM 1:19

Ka dawtmi u le nau hna, mah hihi philh hlah u: ahohmanh bia theih duhnak leiah cun a khul a rangmi si u law biachimnak lei le thinhunnak lei ah cun a khul a nuarmi si u.