PHUNGCHIMTU 7:7 - Lai (Hakha) Common Language Bible 2006

⁷ Mifim mi nih midang pakhatkhat a hlen hna ahcun, mihrut bantukin rian a ṭuan a si. Nawhthuh nih lungthin a ṭhutter.

PHUNGCHIMTU 7:7 ပူးပေါင်းရင်းမြစ်များ

EXODUS 23:8

Nawhthuh la hrimhrim hlah u, zeicahtiah nawhthuh nih cun bawi kha an mit a cawtter hna i a sual lomi hna bia kha pakpalawng ah a canter.

PHUNGTHLÛKBIA 17:23

Biaceihtu ṭhalo nih ziknawh an lak tawn i dinnak in bia an ceih lo.

PHUNGTHLÛKBIA 17:8

Mi a cheu nih, nawhthuh nih cun camh bantukin rian a ṭuan khawh, tiah an ruah, zeipaoh a tuah khawh tiah an zumh.

PHUNGCHIMTU 4:1

Cun hi vawlei cung i a um lengmangmi dinlonak hi ka zoh ṭhan. Hremmi hna cu an ṭap lengmang, sihmanhsehlaw ahohmanh nih an bawm hna lo. Anmah a hremtu hna kha thil ti khawhnak a ngeimi cu an si caah ahohmanh nih an bawm duh hna lo.

PHUNGCHIMTU 5:8

Acozah pakhatkhat nih misifak kha an hrem hna i dinnak le an hmuh awk a simi kha an pe hna lo, ti na hmuh tikah na khuaruahhar hlah; bawi paohpaoh cu an cung i a ummi bawi cio nih khan an huhphenh hna i cu hna zong cu anmah nakin a sang chin deuhmi bawi nih khan an huhphenh chin ve hna.

PHUNGCHIMTU 8:9

Hi vawlei cung i thil umkalning ka zoh lengmang tikah hin hi vialte hi ka hmuhmi an si: hi vawlei hi mi a cheukhat nih ṭhawnnak an ngeihnak hmun a si i a cheukhat nih an ṭang i hremnak an innak hmun a si kha ka hngalh.

ISAIAH 1:23

Na bawi hna cu ralthawh hmangmi le mifir hna hawikom an si; laksawng le ziknawh kha an ei thluangthluan ko. Zung ah khan ngakṭah kha zeitikhmanh ah an ṭanh duh bal hna lo i nuhmei cu an bia kha a ngaih hmanh an ngaihpiak duh bal hna lo.

ISAIAH 33:15

A dingmi thil kha na chim i na tuah ahcun na celh ko lai. Na lianhngannak cu misifak hlennak ah khan hmang hlah law ziknawh kha la hlah. Lainawnnak tuah awk le thil dang a ṭha lomi tuah awkah khua a khangmi kha kom hna hlah.

DEUTERONOMI 16:19

Dinglo piin bia kha nan ceih lai lo, duhdanh nan ngei lai lo, nawhthuh nan la lai lo, zeitintiah nawhthuh nih mifim mi mit kha a cawtter i miding mi bia kha a lehtalam tawn.

DEUTERONOMI 28:65

Cun hi miphun hna lakah hin daihnak nan hmu lai lo, nan keza ca zongah dinh ti a um lai lo, sihmanhsehlaw khika ah Bawipa nih lung retheihnak le mit hram dernak le hnabei donghnak an pek hna lai.

1 SAMUEL 12:3

Hika ah hin ka um hih; Bawipa le a chiti thuhmi hmaiah hin ka soi tuah u. Aho cawtum ka la bal maw? Aho laa ka la bal maw? Aho tal ka hleng bal hna maw? Aho tal ka hrem bal maw? Ka mit phenhtertu ah aho sinin nawhthuh ka la bal maw? Ka chim u law, kan rulh hna lai,” tiah a ti.

1 SAMUEL 21:14

Cu tikah Akhish nih a sinum hna cu, “Zohhmanh u, mihrut a si ti nan hngalh ko; a si kun ahcun zeicahdah ka sinah nan ratpi?

1 SAMUEL 8:3

Asinain, a fapa hna cu amah lam kha an zul lo, miaknak tu kha an merhnawh. Nawhthuh kha an lak i biading kha an merh.