PHUNGCHIMTU 7:3 - Lai (Hakha) Common Language Bible 2006

³ Ngaihchiat hi lunglawmh nakin a ṭha deuh, zeicahtiah ngaihchiatnak nih cun na hmai cu a ngaih a chiatter ko nain na hngalhnak kha a haarter lai.

PHUNGCHIMTU 7:3 ပူးပေါင်းရင်းမြစ်များ

SALM 119:67

Dan na ka tat hlanah cun a pingah ka kal tawn, sihmanhsehlaw atu cu na bia kha ka ngaih.

SALM 119:71

Dantatnak ka inmi cu ka caah a ṭha, zeicahtiah na nawlbia kha a ka hngalhter.

PHUNGCHIMTU 2:2

Nih hi hruh a si, i nuamhnak nih hin zeihmanh ṭhatnak a kan pe kho lo ti kha ka hngalh.

PHUNGCHIMTU 7:4

Mifim mi lungthin cu ngaihchiatnak inn ah a um, sihmanhsehlaw mihrut mi hna lungthin cu puai tuahnak inn ah a um.

DANIEL 10:19

A ka thawh i, “Pathian nih an dawt, cucaah na thinphang hlah, na caah zeizong vialte a ṭha dih ko lai. Na lung ṭhawng ko,” tiah a ti. Bia a ka chimh dih tikah ka thazang cu a hung tlung ṭhan i, “Ka chawn ko, bawipa, zeicahtiah thazang na ka pek cang,” tiah ka ti.

LUKA 6:21

Nannih atu i rawl a ṭammi hna i lawm u, Nan paw a khim lai. Nannih atu i a ṭapmi hna i lawm u, Nan ni lai.

LUKA 6:25

Atu i a paw a khimmi nan caah cun ngaihchia a va si dah! Rawlṭam in nan vak lai. Atu i a ni lengmangmi nan caah cun ngaihchia a va si dah! Ngaihchia in nan ṭap lai!

2 KORIN 4:17

Cun harnak hmete caan tawite kan inmi nih hin, hi harnak nakin a let tampi in a ngan deuhmi zungzal sunparnak cu a kan pek lai.