PHUNGCHIMTU 7:25 - Lai (Hakha) Common Language Bible 2006

²⁵ Sihmanhsehlaw hngalhnak le cawnnak ah khan ka pum kaa pe; fimnak kha hmuh awkah kaa zuam i ka biahalnak lehnak kha ka kawl; cun hruhnak a ṭhat loning le a hruhning kha hngalh awk kaa zuam.

PHUNGCHIMTU 7:25 ပူးပေါင်းရင်းမြစ်များ

GENESIS 34:7

cu lio te ah cun Jakob fapale zong cu ramlak khan an ra tlung. Shekhem nih cu bantuk thil ṭhalo a tuah i Jakob fanu a sualnak thawngin Israel mi a serhsat hna kha an theih tikah a lau in an lau i an thin a khenh ngaingai hna.

2 SAMUEL 13:12

Cun anih nih a leh i, “Asilo, ka ṭapa, i hramhram hlah; zeitintiah hi bantuk thil cu Israel mi lakah tuah a si bal lo; hi hor hruhnak hi tuah hlah.

PHUNGTHLÛKBIA 17:12

Mihrut a hruh lio i ton nakcun a fa chuhmi vompi ton a ṭha deuh.

PHUNGTHLÛKBIA 26:11

A hruhnak a nolh ṭhan lengmangmi mihrut cu, A luak a kirhnawh ṭhantu uico bantuk a si.

PHUNGCHIMTU 10:13

Bia pakpalawng chim in aa thawk i a donghnak ahcun hruh taktak in a dong ko.

PHUNGCHIMTU 2:12

A ngaingai ti ahcun, siangpahrang nih a tuah khawhmi hi amah hlan i a rak ummi siangpahrang hna nih an tuahmi kha an si ko ee. Cucaah fim ti le ralrin lo ti le hruh ti hna hi an sullam zeidah an si ti kha ka ruat ṭhan.

PHUNGCHIMTU 2:15

Mihrut cung i a tlungmi thil kha keimah cung zongah a tlung ve ko lai. Cucaah ka fim hi zei ṭhathnemnak a um hlah i? ka ti. Zeihmanh ṭhathnemnak a um lo, a um hrimhrim lo.

PHUNGCHIMTU 2:20

Cucaah ka rak ṭuanmi rian vialte kha kaa ngaihchih hna.

PHUNGCHIMTU 7:27

Zohhmanh mah hihi ka hmuhmi cu a si, tiah Phungchimtu nih a ti, biahalnak lehnak ka kawlmi kha tlawmpal tete in ka hmuh lengmang.

JOSHUA 7:13

Tho law, mi zapi kha thianter hna, ‘Thaizing ah i thianh u, zeicahtiah Bawipa, Israel Pathian nih, “Maw Israel, nannih lakah pekchanhmi thil an um, nannih lak in cu pekchanhmi thil cu nan hlonh hna hlantiang nan ral hna hmaiah nan dir kho lai lo,” tiah hi bangin a ti,” tiah chim hna.