PHUNGCHIMTU 7:17 - Lai (Hakha) Common Language Bible 2006

¹⁷ Asinain ṭhat lo zong ṭha lo tuk fawn hlah, a hruh zong hrut tuk fawn hlah, zeicahdah na caan a tlin hlanah na thih lai?

PHUNGCHIMTU 7:17 ပူးပေါင်းရင်းမြစ်များ

2 SAMUEL 6:20

Cun David cu a innchungkhar kha thluachuah pek awkah a va kir. Sihmanhsehlaw Saul fanu Mikhal nih khan David cu ton awkah a ra chuak i, “Nihin cu Israel siangpahrang cu a sunglawi ko cu ta, mizeiruaramlo pakhat nih ningzah hngal loin a hnipuan aa phoih bantukin pei, a sal hna i an salnu hna hmaiah, nihin ah aa phoih ve kha!” tiah a ti.

JOB 22:16

An caan a tlin hlanah lak an si i an hram cu tilian nih a fenh hna.

SALM 55:23

Sihmanhsehlaw Bawipa, nangmah nih lainawng mi hna le lihchim mi hna cu vawlei tang khor thukpi ah khin an chan ṭim hlanah na thlak hna lai. Kei tu nih cun nangmah kha kan bochan lai.

PHUNGTHLÛKBIA 10:27

Bawipa ṭihnak nih hin chan a sauter, Sihmanhsehlaw miṭhalo hna chan cu a tawi.

EZEKIEL 16:20

“Fanu, fapa na ka hrinpiakmi hna kha na lak hna i hi siasal hna hmaiah hin an rawl caah rai ah na thawi hna. Hlawh na hlannak nakin mah hihi a hme deuhmi thil a si maw?

EZEKIEL 8:17

A ka thawh i, “Mipa, khikhi na hmu maw? Hi thil fihnung hna hi thil hmetuai ah an rel caah maw Judah mi hna nih hin ram hi zaang-ennak in an khahter hi a si hnga? Ka thinhunnak damter an i zuam tik hmanh ah hin ka thin an ka phawh chin lengmang.

LAMKALTU 12:23

Herod nih Pathian kha upatnak a pek lo caah Bawipa vancungmi nih chikkhatte ah a vun tuk. Amah cu tholung nih an ei i a thi.

LAMKALTU 16:28

Sihmanhsehlaw Paul cu fak piin a au i, “Nangmah le nangmah fahnak i pe hlah, kan dihlak in kan um ko,” tiah a ti.

LAMKALTU 5:10

Chikkhatte ah a kehram ah khan a tlu i a thi. Tlangval hna cu an rung lut i a thih ve kha an hmuh i an chuahpi i a va kiangah khan an va vui.

LAMKALTU 5:5

Cu bia cu Ananias nih a theih tikah aa teng bak ko i cu thawng a theimi paoh cu ṭihnak in an khat dih.

JEIM 1:21

Cucaah cun a thurhnawmmi ziaza vialte le a ṭha lomi ziar le zar vialte kha hlaw ko hna u. Pathian sinah khan i pe u law khamhnak an pe khotu hna bia, nan lungchung i a tuhmi kha, i cohlan ko u.

1 SAMUEL 25:38

Cun ni hra tluk hnuah Bawipa nih Nabal cu a tuk i a thi.