PHUNGCHIMTU 6:8 - Lai (Hakha) Common Language Bible 2006

⁸ Zeitindah mifim mi cu mihrutpa nakin ṭhathnemnak a hmuh hlei? Zeitindah kan nun awk a si ti hngalh nih hin misifak cu zeidah a ṭhathnem?

PHUNGCHIMTU 6:8 ပူးပေါင်းရင်းမြစ်များ

GENESIS 17:1

Abram cu kum sawm kua le kum kua a si tikah Bawipa cu a sinah a lang i, “Kei cu Lianngan Bik Pathian ka si. Na nun chung vialte ka nawl ka ngai law soi awk zeihmanh um loin um.

SALM 101:2

Ka cungah zei khom hmanh tlung seh law, fimnak le soi awk um lo a simi lam kha zulh kaa zuam lai. Ka inn chungah hin lungthiang in khua ka sa lai.

SALM 116:9

Cucaah cun Bawipa hmaiah kaa chawk kho i, a nungmi hna sinah khua ka sa rih.

PHUNGTHLÛKBIA 19:1

Lungthin a ṭhami misifak cu hrokhrawl in bia a chimmi mirum nakin a ṭha deuh.

PHUNGCHIMTU 5:11

Na rum deuh paoh ah na cawm awk kha an tam chin lengmang ko lai i naa miakmi cu ka rum ti naa hngalh lawng kha a si ko lai.

PHUNGCHIMTU 6:9

Pakpalawng a si ko, thlitu dawi bantuk ṭhiamṭhiam a si ko. Ngeihmi cungah lungawi tein um hi ngeih chin lengmang duhnak nakin a ṭha deuh.

LUKA 1:6

An pahnih in Pathian hmaiah nuncan ṭha in a nung i Bawipa nawlbia vialte le phunglam vialte tlamtling tein a zulmi an si.

1TIMOTE 6:17

Vawleicung thil i a rummi kha, nan i porhlawt awk a si lo, cun bochan awk a tlak lomi nan rumnak hi a bo zong nan i bochan awk a si lo, tiah na cawnpiak hna lai. Sihmanhsehlaw kan ca i a ṭha dingah zeizong vialte siang ngaiin a kan petu Pathian kha nan i bochan awk a si, tiah na chimh hna lai.