PHUNGCHIMTU 6:3 - Lai (Hakha) Common Language Bible 2006

³ Mi pakhatkhat nih fa za khat a ngeih ko hnga i kum saupi a nung ko hnga, sihmanhsehlaw zei caan a nun hmanh ah lunglawmhnak kha a ngeih lo i hmaizahnak tein vuinak kha a hmuh lo ahcun, cu pa nakcun a thi cia i a chuakmi ngakchia kha a ṭha deuh.

PHUNGCHIMTU 6:3 ပူးပေါင်းရင်းမြစ်များ

GENESIS 33:5

Esau cu a hnuhmai a hun i mer i nu le ngakchia kha a hmuh hna tikah, “Hi na sin i a ummi hna hi mi zei dah an si?” tiah a hal. Jakob nih, “Bawipa, hi hna hi Pathian nih a ka zaangfahmi ka fale an si,” tiah a leh.

GENESIS 47:9

Jakob nih cun, “Ka vahvaih chung hi kum za le sawm thum a si cang. Hi kum hna hi a harmi kum an si. Ka pupa hna an vahvaih kum he tuak chun ahcun tlawmte a si ko,” tiah a leh.

2 SIANGPAHRANG 10:1

Ahab nih Samaria ah fapa sawm sarih a ngeih hna. Cucaah Jehu nih ca a ṭial i Samaria khua ah khan, khua uktu hna le upa hna le Ahab fapa hna zohkhenhtu hna kha a kuat hna i,

2 SIANGPAHRANG 9:35

Sihmanhsehlaw vui awk i an va kal tikah, a luruh le a ke hna le a zapei hna dah ti lo cu a zeihmanh an hmu ti lo.

1 CHANRELNAK 28:5

Cun ka fapa vialte hna lakah (zeitintiah Bawipa nih fapa tampi a ka pek hna) ka fapa Solomon cu Israel cung i Bawipa pennak bawiṭhutdan cung i ṭhut awkah khan a thim.

2 CHANRELNAK 11:21

Rehoboam nih Absalom fanu Maakah cu a nupi dang hna le a nuchun vialte hna lakah a dawt bik (nupi hleiriat le nuchun sawm ruk a ngei i fapa kul le pariat le fanu sawm ruk a ngeih hna);

ESTHER 5:11

Cun annih cu Haman nih a rumnak sunparnak le a fapa zeizat an si le siangpahrang nih rian kainak le upatnak a pekmi vialte le siangpahrang bawi hna le sinum vialte hna cung i a chiahnak kha a relh ṭhan hna.

ESTHER 7:10

Cun siangpahrang nih, “Cuka ah cun amah kha va thlai u,” a ti. Cucaah Mordekai ca i a phunmi thahnak tung ah khan amah Haman cu an thlai. Khi tikah siangpahrang thinhunnak cu a dam.

JOB 3:11

Zeicahdah ka chuah ah khan ka rak thih ko lo? Paw chungin ka chuah ah khan ka thaw a rak dongh ko lo?

JOB 3:16

Zeicahdah thla tling loin a chuakmi ngakchia bantuk le Ceunak a hmu bal lomi bawhte bantukin ka rak loh ko lo?

SALM 58:8

Nawncek chungah a lo ralmi cengkeuh bantuk si hna seh, ni a hmu bal lomi fa rawk bantuk si hna seh.

PHUNGTHLÛKBIA 17:6

Tu le fa hi tar hna bawiluchin an si, Fapa hna an sunparnak cu an pale hi an si.

PHUNGCHIMTU 4:3

Sihmanhsehlaw cu hna pahnih nakin a ṭha deuh chinchinmi cu a nun in a nung bal lomi kha an si, hi vawlei cung i a um lengmangmi dinlonak a hmuh in a hmu bal lomi kha an si.

PHUNGCHIMTU 6:4

Ngakchia caah chuah kha zeihmanh ṭhathnemnak a um lo; muihnak chungah khan a lo i cuka ah cun philh a si ko.

JEREMIAH 22:19

Laa vui bantukin amah cu vui a si lai i Jerusalem kutka lengah khan an hnuh lai i an hlonh lai.”

JEREMIAH 36:30

Cucaah Judah siangpahrang Jehoiakim, nangmah kong ah Bawipa nih hi bangin ka ti: David bawiṭhutdan cung i a ṭhu ding ahohmanh na ngei hna lai lo i na ruak cu chun ah ni nih a linh lai i zan ah hawhra nih a tlak lai.

JEREMIAH 8:2

Cun annih nih an rak duh hna i an rian an rak ṭuan hna i an rak dawi hna i an rak kawl hna i an rak biakmi hna, ni le thlapa le van ralkapbu vialte hna hmaiah khin an pho hna lai. Cu ruh hna cu pumh an si lai lo, vui zong an si lai lo, vawlei ah non ah an cang lai.

MATTHAI 26:24

Mi Fapa cu Cathiang nih a thi lai a tining khan a thi lai, sihmanhsehlaw Mi Fapa a rawitu caah cun ngaihchia a si ko. Cu pa cu chuak loin rak um seh law a caah a ṭha deuh hnga,” tiah a ti.