PHUNGCHIMTU 6:12 - Lai (Hakha) Common Language Bible 2006

¹² Zeitindah, ahohmanh nih a nun chung caan tawite, pakpalawng ngai a simi chungah hin zeidah ka caah a ṭha bik ti cu an hngalh khawh lai? A nunnak tham cu thladem bangin a lo zaumi pei a si ko cu. Aho nih dah a thih hnuah hin vawlei cungah zeidah a hung um lai ti kha a hngalh khawh lai?

PHUNGCHIMTU 6:12 ပူးပေါင်းရင်းမြစ်များ

1 CHANRELNAK 29:15

Zeitintiah kannih cu, kan pupa vialte hna mipem an rak si bantuk khan, na hmaiah khual kan si; vawleicung i kan nunchung ni hna hi thladem bantuk men an si i ruahchannak zeihmanh a um lo.

JOB 14:2

Pangpar bangin a hung par i a uai ṭhan ko; Thladem bangin a tli i aa peh lo.

JOB 14:21

A fapa hna nih upatnak an hun hmu, asinain a hngal lo; Annih cu ṭhumh an rung si, sihmanhsehlaw a hngal hlei lo.

JOB 8:9

Kannih cu nizan mi ceote kan si ko i zeihmanh kan hngal lo, Zeicahtiah vawleicung kan ni hna cu thladem men an si ko.

SALM 102:11

Ka nunnak cu zanlei sang thladem bantuk men a si; Kei cu ram bantuk ka si ko.

SALM 109:23

Zanlei thladem a loh zau bang khin loh kaa zal cang, khaubawk thlitu nih a choih bang khin choih ka si cang.

SALM 144:4

Minung cu thaw bantuk men a si ko, a nun chung ni hna cu a liam zaumi thladem bantuk men an si ko.

SALM 16:5

Nangmah dah ti lo cu ka ngeihmi dang zeihmanh a um lo, maw Bawipa, ka herhmi vialte cu nangmah nih na ka pek, ka nunnak cu na kut chungah a um.

SALM 17:15

Kei tu nih cun ka sual lo caah na hmai kha ka hmuh lai i cun ka hun i hlauh tikah nangmah ka sin i na um caah lunglawmhnak in ka khat lai.

SALM 4:6

“Thluachuahnak hmu u si law kan hei duh hringhran dah,” a timi tampi an um. Maw Bawipa, kan cungah zaangfahnak run ngei ko.

SALM 47:4

Kan umnak ram hi amah nih a kan thimpiakmi a si; a dawtmi a mi nih kan i porhlawt ngaimi ram a si.

SALM 89:47

Bawipa, minung cu a nunnak hi zeitluk in dah a tawi ti kha philh hlah; mi vialte cu a thi dingin na kan ser dih kha philh hlah!

PHUNGCHIMTU 10:14

Mihrut cu dong loin bia a chim. Ahohmanh nih hmailei ah zei thil a um lai ti kha kan hngal lo, cun kan thih tikah zeitindah kan um lai ti kha ahohmanh nih an chim kho fawn lo.

PHUNGCHIMTU 12:13

Hi thil vialte hna hnuah hin chim awk pakhat lawnglawng a um rih: Pathian cu ṭih law a nawlbia kha zul hna, zeicahtiah minung cu hi nawlbia hna tuah awk caah hin pei rak ser a si cu.

PHUNGCHIMTU 2:24

Minung nih hin a ṭha bik a tuah khawhmi cu zeidah a si ti ahcun, ei i din i a hmuhmi paoh kha i nuamhpi hi a si ko. Asinain mah zong hi Pathian kut in a rami a si kha ka hngalh;

PHUNGCHIMTU 2:3

Ka pum cu zu in ka lawmhter lai i ka lungthin in fimnak cu ka kawl lai ka ti. Cucu minung nih vawlei cung i caan tawite a nun chungah hin a tuah khawhmi thil ṭha bik a si rua lai, tiah ka ruah.

PHUNGCHIMTU 3:22

Cucaah minung nih a ṭha bik a tuah khawhmi cu a ṭuan man a hmuhmi i nuamhpi hi a si ti kha ka hngalh. Cu pinah a tuah khawhmi dang zeihmanh a um lo. A thih hnuah zeidah a hung um te lai ti a hngalh khawhnak lam zeihmanh a um lo.

PHUNGCHIMTU 6:11

Sau deuh nan i al paoh ah pakpalawng a si chin lengmang i na caah zeihmanh ṭhathnemnak a um hlei lo.

PHUNGCHIMTU 7:15

Ka nun chung hi pakpalawng a si ko, sihmanhsehlaw hi chungah hin zeizong vialte ka hmuh dih; pakhat cu a ding ko nain a thi i pakhat tu cu a ṭhalo ko nain a chan a sau.

PHUNGCHIMTU 8:13

Sihmanhsehlaw miṭhalo mi hna caah cun a ṭha dih ko lai lo, an nunnak cu thladem bantukin a liam zau ding an si i Pathian an ṭih lo caah an no tein an thi lai,” an ti.

PHUNGCHIMTU 8:7

Zeidah a hung um lai ti kha kan hngal lo i aho nih an kan chimh lai ti zong kha kan hngal lo.

PHUNGCHIMTU 9:6

Dawtnak, huatnak, duhnak an ngeihmi vialte kha anmah sinah cun a thi ve. Hi vawlei cung i a ummi thil ah hin an i tel ve bal ti lai lo.

PHUNGCHIMTU 9:9

Hi vawlei cungah Pathian nih nunnak an pekmi nunnak santlailo chung i na nun chung vialte hi na dawtmi nu he nuamhnak in hmang ko, pakpalawng a simi ni hna cu an dihlak in nuamhnak ah hmang ko hna, zeicahtiah cu vial cu pei harnak na inmi chungin na hmuhmi cu a si ko lai cu.

MIKAH 6:8

Nannih hmun kip kaa kip i a ummi vialte hna, Pathian nih cun thil ṭha kha zeidah a si ti cu an chimh cang ko ṭung hna; An halmi hna cu, ding tein thil ti le zaangfahnak ngeih le na Pathian hmai i toidor tein khuasak kha pei a si ko cu.

JEIM 4:14

Thaizing ah na nunnak cu zei a lawh lai hmanh na hngalh ṭung lo. Nang cu minmei zaammi bantuk, atute a hung um i a lo zaumi bantuk pei na si ko cu.