PHUNGCHIMTU 6:10 - Lai (Hakha) Common Language Bible 2006

¹⁰ Thil a hung ummi paoh hi hlan piin ruah cia dih an si cang i mi nih amah nakin a ṭhawng deuhmi he bia i al cu a si kho lo ti kha kan hngalh cio.

PHUNGCHIMTU 6:10 ပူးပေါင်းရင်းမြစ်များ

GENESIS 3:9

Sihmanhsehlaw Bawipa Pathian nih cun mipa cu a vun auh i, “Khuazei ah dah na um?” tiah a ti.

JOB 33:13

Zeicahdah, ka bia cu zeihmanh a ka let lo, tiin amah cu na mawhchiat len ko?

JOB 40:2

“Minung nih Lianngan Bik he bia an i al tikah hin lungṭhawng in um awk a si maw? Pathian he bia aa almi nih hin a leh ṭhan awk a si hnga maw?” a ti.

JOB 9:32

Pathian cu keimah nih leh khawh awkah le biaceihnak hmun i chuahpi awkah Keimah bantukin minung a si ṭung lo.

SALM 103:15

Minung cu a nunnak hi ram bantuk men a si ko; a hung ṭhang i ramlak pangpar bangin a hung par.

SALM 39:6

thlahawm menmen an si ko. An tuahmi vialte hi pakpalawng an si dih; chaw le va kha heh tiah an khon, sihmanhsehlaw a cotu ding cu aho an si kha an hngal lo.

PHUNGTHLÛKBIA 21:30

Fimnak siseh, hngalhnak siseh, chunglei thil purh khawhnak siseh, Bawipa hmaiah cun zeihmanh an si lo.

PHUNGCHIMTU 3:15

A um liomi hi a um cangmi an si dih ko; a um dingmi hi hlanah a rak um diam ding cangmi kha an si; Pathian nih a um ciami thil kha a um ṭhanter lengmang hna.

PHUNGCHIMTU 6:11

Sau deuh nan i al paoh ah pakpalawng a si chin lengmang i na caah zeihmanh ṭhathnemnak a um hlei lo.

JEREMIAH 49:19

Zohhmanh, Jordan tiva kam tupi chungin a hung chuak i zungzal in a hringmi saṭil tlonnak ram lakah a ra chuakmi chiandeih bantukin keimah nih Edom mi vialte kha ka dawi dih hna lai i tuukawng ṭha bikbik kha ka tlaih din hna lai. Ahodah keimah bantuk hi a um i ahodah keimah tluk hi a um? Tuukhal aho tal ka hmaiah a dir khomi an um maw?

1 KORIN 10:22

Bawipa cu a nahchuak seh ti maw kan duh? Amah nakin kan ṭhawng deuh tiah maw kan i ruah?