PHUNGCHIMTU 5:4 - Lai (Hakha) Common Language Bible 2006

⁴ Cucaah Pathian sin i bia kamnak na tuah tikah khulrang in cucu zul ko. Pathian nih mihrut cu zeihmanh ah a herh hna lo. Ka tuah lai tiah naa kammi kha va tuah ko.

PHUNGCHIMTU 5:4 ပူးပေါင်းရင်းမြစ်များ

GENESIS 28:20

Cun Jakob nih Bawipa Pathian sinah cun chiatser in biakamnak a tuah i, “Atu ka khualtlawnnak ah hin na ka umpi i na ka huhphenh i rawl le hnipuan na ka pek i

GENESIS 35:1

Pathian nih Jakob cu a thawh i, “I tim law Bethel ah kal law cuka ah cun va um. Cun na u Esau sinin na zam lio i na sin i a langmi Pathian caah khan cuka ah cun biakṭheng pakhat in va ser,” a ti.

GENESIS 35:3

Hika hmun hi kan chuahtak lai i Bethel ah kan kal lai, cuka ah cun harnak ka in caan le khuazeika ka kalnak hmanh i a ka umpitu Pathian caah khan biakṭheng pakhat ka ser lai,” a ti hna.

SALM 116:14

A mi vialte an i pumhnak ah khan bia kaa kammi kha ka pek lai.

SALM 119:106

Na ka cawnpiaknak a dingmi, ka zulh hna lai tiah bia kaa kammi kha, ka zulh taktak hna lai.

SALM 22:25

Aa pummi dihlak hmaiah, nangmah cu na tuahmi ruangah kan thangṭhat lai; nangmah nawl zulmi an dihlak hmaiah kaa kammi raithawinak kha kan pekchanh lai.

SALM 50:14

Pathian sinah lawmhnak chim cu nan raithawinak si seh law Lianngan Bik cu kan in pek lai tiah nan i kammi pekchanh awk vialte kha pechan ko u.

SALM 76:11

Kan in pek lai tiah nan i kammi kha Bawipa nan Pathian cu pe u; kan pawngkam i a ummi miphun hna, Bawipa cu laksawng ra pe u. Pathian nih minung cu amah ṭih dingin a ser hna,

PHUNGTHLÛKBIA 20:25

Pathian sin pek awk laksawng naa kam hlanah ṭha tein ruat hmasa, a hnuah naa ngaichih sual lai.

ISAIAH 19:21

Izipt mi sinah Bawipa nih aa langhter lai. Cu bantukin aa langhter tikah annih nih an hngalh lai i an biak lai i raithawinak le pekchanhmi thil an pek lai. Annih nih a fekmi biakamnak an tuah lai i bia an i kammi cu an tlinter lai.

JONAH 2:9

Sihmanhsehlaw kei nih cun nangmah thangṭhatnak kha hla in ka sak lai i Nangmah sinah raithawinak kan pekchanh lai i Ka tuah lai, tiah bia kaa kammi kha ka tuah lai. Teinak cu Bawipa ta a si,” tiah a ti.

MALAKHI 1:10

Nannih pakhatkhat nih innkhar ngan kha pit tein rak khar u law ka biakṭheng cungah khan ceu kha lut lo lawlaw in rak um seh law a ṭha deuh suaumau hnga. Nan cungah lunglawmhnak ka ngei lo, nan sinin pekchanhmi thil zeihmanh ka cohlang lai lo, tiah ralkapbu Bawipa nih a ti.

NAMBAR 30:2

Mipa pakhatkhat nih Bawipa sinah biakamnak a tuah ah maw, biakamnak in amah le amah cu i ṭem awkah chiat a ser ah maw, a bia cu a hrawk lai lo; a kaa chungin a chuakmi vialte bang khan a tuah lai.

MATTHAI 5:33

“Bia nan i kammi kha i let hlah u, Bawipa sinah chiatser in nan i kam cangmi cu nan tuah hrimhrim awk a si, tiah hlanlio mi hna an rak ti hna kha nan theih.

HEBRU 10:6

Biakṭheng cungah a pumning in khanghmi sa cu na lawmhmi a si lo, Sual thianhnak ca i thawimi sa zong na lawmhmi a si lo.

BIACEIHTU 11:35

Cun a hmuh tikah a puan kha a thleh hna i, “Aize, ka fanu! Na ka niamter ngaingai ai, keimah ca i harnak nganpi tuahtu ah na cang ai; zeitintiah Bawipa sinah ka kaa ka pau cang i ka biakamnak cu ka la ṭhan kho ti lo,” tiah a ti.