PHUNGCHIMTU 5:1 - Lai (Hakha) Common Language Bible 2006

¹ Biaknak inn na kal ah hin i ralring. Cu ka i na va kal tikah zeidah kaa cawn khawh lai ti kha ruat deuh, cucu ahmaanmi thil le ahmaan lo mithil a thleidang kho lomi mihrut hna nih an pekchanhmi raithawinak nakin a ṭha deuh.

PHUNGCHIMTU 5:1 ပူးပေါင်းရင်းမြစ်များ

2 CHANRELNAK 26:16

Sihmanhsehlaw a hung ṭhawn tikah aa rawknak dingah a hun i porhlaw. Bawipa a Pathian sinah zumhtlak loin a um i zihmui biakṭheng i zihmui khangh awkah khan Bawipa biakinn ah cun a lut.

JOB 11:2

“Bia tampi hi leh loin maw um a si lai? Mi biatam paoh hi maw thiamco zungzal a si lai?

JOB 22:12

“Pathian cu van ah khin a sannak bik ah a um a si lo maw? A sang bik arfi hmanh khi chuk zoh in a vun zoh hna.

SALM 89:7

Nangmah cu pathian hna nih an khuakhannak bu chungah khan an in upat i na kiang i a ummi vialte nih khan an in ṭih dih.

EXODUS 3:5

Pathian nih cun, “Ra naih deuh ti hlah. Na kedan kha i phoih, na dirnak hmun kha hmun thiang a si.

EXODUS 30:18

“Kut ṭawlnak caah dar hmaihum pakhat na ser lai i a hunnak zong dar in na ser lai. Pumhnak thlam le biakṭheng karlak ah khan na chiah lai i a chungah ti na chiah lai.

PHUNGTHLÛKBIA 10:19

Bia tam deuh na chim paoh ah tam deuh in na sual ve sual ko lai, cucaah na fim ahcun bia naa sum lai.

PHUNGTHLÛKBIA 15:8

Miṭhalo hna raithawinak cu Bawipa caah fihnung a si, sihmanhsehlaw miṭha hna thlacamnak cu a lawmhmi a si.

PHUNGTHLÛKBIA 21:27

Miṭhalo raithawinak cu Bawipa, caah fihnung a si, Tinhmi ṭhalo he a rak put ahcun zeitluk in dik fihnung a si chinchin.

ISAIAH 66:3

“Hi mi hna nih hin cun anmah duhning paoh in an tuah. An duh ah raithawinak caah cawtum kha an thah i an duh ah minung kha an hei thah fawn ko; tuufa kha rai ah an thawi i uico zong kha a hngawng an hei merh fawn ko; rawl thawinak caah fang an pekchanh i vok thi zong an hei pekchanh fawn ko, zihmui kha an khangh i siasal sinah khan thla an hei cam fawn ko. Pathian biaknak ah hi bantuk fihnung lam zulh hi an i lawmh zia a si.

LEVITIKAS 10:3

Khi tikah Moses nih Aaron sinah, “Mah hihi Bawipa nih a chimmi cu a si, ‘Ka pawng i a ummi hna lakah thianghlim in kaa langhter lai i mi vialte hmaiah thangṭhat ka si lai,’ a ti,” tiah a ti. Cun Aaron cu dai tein a um ko.

LAMKALTU 10:33

Cucaah nangmah cu khulrang in kan kawh i na ra. Atu cu kan dihlak in hika ah hin Pathian hmaika ah kan um i Pathian nih chim awkah an fialmi paoh cu kan chim tuah,” tiah a ti.

LAMKALTU 17:11

Khika mi hna cu Thesalonika khuami nakkhan an lung a kau deuh. An chimmi kha lungtho ngaiin an ngaih i Paul nih a chimmi kha a si taktak maw si taktak lo ti hngalhnak caah nifate in Cathiang chung kha an kawl.

1 KORIN 11:22

Einak ding le dinnak ding caah mahle inn nan ngei cio lo maw? Asiloah, cuti nan um cu Pathian khrihfabu kha nautat nan duh ca le a herh a baumi nan unau pawl kha ningzahter nan duh hna caah a si maw? Hi kong ah hin zeitindah bia a chim lai tiah nan ka ruah? Hi kongah hin kan thangṭhat kho hna hnga maw? Thangṭhat kho hlah.

HEBRU 10:26

Biatak kha hngalhter kan si hnu i kan sual lengmang peng ko ahcun, sualnak thianhnak caah raithawinak zeihmanh a um ti lo.

JEIM 1:19

Ka dawtmi u le nau hna, mah hihi philh hlah u: ahohmanh bia theih duhnak leiah cun a khul a rangmi si u law biachimnak lei le thinhunnak lei ah cun a khul a nuarmi si u.

JOSHUA 5:15

Cun Bawipa ralkapbu hruitu nih cun Joshua sinah cun, “Na kedan kha i phoih hna; zeicahtiah na dirnak kha hmun thiang a si,” tiah a ti. Cun cu bangin Joshua nih a tuah.