PHUNGCHIMTU 4:9 - Lai (Hakha) Common Language Bible 2006

⁹ Pahnih cu pakhat nakin an ṭhahnem deuh, zeicahtiah an ṭuanmi rian khan tam deuh an hmuh khawh.

PHUNGCHIMTU 4:9 ပူးပေါင်းရင်းမြစ်များ

GENESIS 2:18

Cun Bawipa Pathian nih cun, “Mipa amah lawng i a um hi a ṭha lo, hawile bawmtu ka serpiak lai,” a ti.

1 CHANRELNAK 19:12

Cun anih nih, “Siria mi hi ka caah an ṭhawn tuk ahcun na ka bawmh lai, sihmanhsehlaw Ammon mi hna kha na caah an ṭhawn tuk ah cun kan bawmh ve lai.

PHUNGTHLÛKBIA 27:17

Thir nih thir a harter, mi zong nih midang fimnak kha a harter ve.

PHUNGCHIMTU 4:10

Pakhat kha a tluk sual ahcun pakhat nih khan a bawmh khawh. Sihmanhsehlaw mi pakhatkhat cu amah lawng a si i a tluk sual ahcun a poi ngaingai ko amah a bawmtu ahohmanh an um ti lo.

PHUNGCHIMTU 4:8

Mipa pakhat cu amah lawng tein khua a sa. Fapa a ngei lo, unau zong a ngei lo, sihmanhsehlaw rian a ṭuan zungzal i a hmuhmi chawva kha zeitikhmanh ah kaa za cang ti a ngei kho lo. Aho ca ko ah hen cu ti lawmmam cun a ṭuan i a nuamh hmanh i nuam ngam lote in a um? Mah hihi pakpalawng a si fawn ko, aa nuam lo ngaimi minung a si ko.

HAGGAI 1:14

“Bawipa nih, ‘Nan sinah ka um ko,’ a ti,” tiah a ti. Khi tikah Bawipa nih, Shealtiel fapa Zerubbabel, Judah ram uktu bawi le Jehozadak fapa Joshua, Tlangbawi Ngan kha le midang hna cu an lung a thawhter hna i thla ruk thla ni kul le ni li ni Darius a bawi kum hnihnak ah cun an ra i

NAMBAR 11:14

Hi mi hna hi keimah lawng nih ka pua kho hna lo, mah thil hi ka caah a rit tuk.

MARKA 6:7

A zultu pahleihnih kha hmunkhat ah a kawh hna i pahnih pahnih in a thlah hna. Khuachia tei khawhnak nawl kha a pek hna i,

JOHAN 4:36

Rianṭuantu nih a ṭuan man kha a hmuh lio cang i zungzal nunnak caah khan rawl kha a pum lio hna, cucaah a tuhtu le a zuntu kha an pahnih in hmunkhat ah an i lawm ṭi lai.

LAMKALTU 13:2

Annih nih Bawipa kha an biak i rawl an ulh lioah khan, Thiang Thlarau nih a thawh hna i, “Barnabas le Saul hi, ka thiahmi hna rian kha an ṭuan nakhnga, a dang tein ka chiahpiak hna u,” tiah a ti.

2 JOHAN 1:8

Cucaah nan ṭuan lengmang hnawhchanmi kha nan sungh sual nakhnga lo le nan laksawng kha tling tein nan hmuh nakhnga, ralring tein um ko u.

RUTH 2:12

Bawipa nih na tuah ciami cu in rul seh law, Bawipa, Israel Pathian, a thla tangah i dor awk i na rak fuhmi nih cun, tampi in laksawng in pe ko seh!” tiah a ti.